حکومەتا هەرێمێ: ئێدى رێکێ نادەین خەلکێ هەرێمێ ببنە قوربانیێن پەکەکێ
گاڤ نیوز
حکومەتا هەرێما کوردستانێ سەبارەت ب شەهیدبوونا پێنج پیشمەرگە و برینداربوونا حەفت پێشمەرگەیێن دى ل نێزیک ئامێدیێ راگەهاند: ئێدى رێک ناهێتە دان هەرێما کوردستانێ ببیتە قوربانییا سیاسەتێن پەکەکێ.
حکومەتا هەرێمێ د داخویانیەکێ دا راگەهاند، ئەڤرۆ ژ ئەنجامێ بویسەیەکا گەریلایێن پەکەکێ ل دەڤەرا ئامێدیێ پێنج پێشمەرگە شەهیدبوون، هەژمارەکا دى ژی برینداربوون و حکوومەتا هەرێمێ ب توندى ڤێ هێرشا پەکەکێ شەرمزار دکەت.
هەروەسا د راگەهاندنا حکوومەتێ دا هاتییە، ئێدى هەرێما کوردستانێ و خەلکێ وێ رێکێ نادەن ببنە قوربانیێن سیاسەتا خەلەت یا پەکەکێ و زیان گەهاندنا وان یا گیانى و ماددى ب هەرێمێ. د داخۆیانیێ دا هاتییە ژى هێرشکرنا سەر پێشمەرگەى هێرشکرنە لسەر تەڤایا خەلکێ کوردستانێ.
تُتاح هذه الصورة أيضا في: کوردی