حکومەتا ھەرێمێ: ھەر ٣٠ رۆژان جارەکێ دێ مووچە ھێنە دان
گاڤ نیوز:
حکومەتا ھەرێما کوردستانێ ئاشکراکر، ڤێ ھەیڤێ ژبەر نەڤەگەڕاندنا داھاتی مووچە ھاتنە پاشخستن.
جۆتیار عادل، پەیڤدارێ حکومەتا ھەرێما کوردستانێ راگەھاند، بڕیار ھاتیە دان ھەر ٣٠ رۆژان جارەکێ مووچە بھێتە بەلاڤکرن، بەلێ ڤێ ھەیڤێ ژبەر ڤەنەگەڕاندنا داھاتی کێشەیا پاشکەفتنا مووچەیی دروست بوویە.
د کۆنگرەیەکێ رۆژنامەڤانی دا جۆتیار عادل گۆت: ڤێ حەفتیێ دو دۆسیێن گرنگ بۆ بەغدا دێ ھێنە رەوانەکرن کو ئێك تایبەتە ب خەرجیێن پەترۆلێ و یا دی ژی گرێدایی داھاتێ نەنەفتی یە، ھەروەسا خواست ژى هەمى مافێن دارایی یێن د بوجەیا ئیراقێ دا بۆ ھەریمێ ھاتینە دانان بھێنە بجھـ ئینان.
ھەروەسا دیارکر، حکومەتێ بریار دایە ھەر ٣٠ رۆژان جارەکێ مووچەیان بدەت و خواست ژی گیرۆکرنا رەوانەکرنا داھاتی بۆ حکومەتێ دوبارە نەبیت.
جۆتیار عادلى خویاکر، ھەر داھاتەکێ ل بەردەستێ حکومەتێ بۆ مووچەیان دھێتە تەرخانکرن و ئەولەویەت مووچەیە و دێ ل دەمێ خۆ ھێنە دان.
تُتاح هذه الصورة أيضا في: کوردی