كەڤالێن وێ دهربرينێ ژ خۆراگریا ژنا ئێزدی دكن
تۆرا لالش:
كچا شێوەكارا ئێزدی زینە ئەلیاس عبێد دكورتە دیدارەكێ دا بۆ رۆژناما دەنگێ لالش دیاركر، ل سالا(2017)ێ دەست ب كارێ شێوەكاری و كەڤالان كریە،بتریا كەڤالێن چێ دكەم دەربرینێ ژئێش و ئازارێن ئێزدیان دكن و دكەڤالێن خۆ دا خۆراگریا ژنا ئێزدی بەرچاڤ دكەم.
زینایێ گۆت: خەونا من ئەو بوو رۆژەكێ بكارم كارێ هۆنەرێ شێوەكاریێ بكەم و هیڤیا خۆ یا زارۆكانیێ بجهـئانی،پشتی بزاڤان و ب پشتەڤانیا مالباتا خۆ خەونا من بجهات و ل سالا (2017)ێ دەست ب كارێ شێوەكاری و كەڤالان كر،بتریا كارێ من یێ شێوەكاری و كەڤالێن هۆنەری دەربرینێ ژئێش و ئازارێن ئێزدیان دكت،هەروەسا هشیاریا ساخلەمیێ بۆ خۆپاراستن ژ ڤایرۆسێ كۆرۆنایێ د كارێ من دا رەنگڤەدایە.
هەروەسا دیاركر،من دڤێت رۆل و ئازار و پێتڤێن ژنا ئێزدی د كارێ خۆ یێ هۆنەری دا بدەمە خویاكرن و بەرچاڤكرن،لێ ب راستی پێتڤی پشتەڤانیا دارایی مە هەتا بكارم ڤی كاری ئەنجام بدەم،دیسان سەرەرای هەر ئاستەنگەكێ دێ یا بەردەوام بم لسەر كارێ خۆ یێ هۆنەری.
زینا ئەلیاس ل كۆمەلگەها نسێریە
تُتاح هذه الصورة أيضا في: کوردی