قایمقامێ شنگال: پەكەكە و حەشدا شەعبی رێگریێ ل ماستەر پلانا شنگال دكن
باسنيوز:
قایمقامێ قەزا شنگال دیار كر كو ئێدارا شنگال دگەل حكومەتا هەرێما كوردستانێ و نەتەوەیێن ئیكگرتی و رێكخراوان ماستەر پلانەكا باش بۆ ئاڤەدانیا شنگال دانابوون، لێ پەكەكێ و حەشدا شەعبی رێگریێ دكەن و ناهیلن بكەفتە واری بجه ئێنانێدا.
مەحما خەلیل، قایمقامێ قەزا شنگال بۆ (باسنیوز) راگەهاند كو: “ئێدارا شنگال بەرنامە و ماستەر پلانەكا باش بۆ ئاڤەدانیا شنگال دانابوو لێ هەتا ئەڤرۆ بەرنامە و ماستەر پلانا ئاڤەدانیا شنگال نەچوویە واری بجه ئێنانێدا، ژبەر كو ل شنگال چوو قانوون نینە، بەلكو پەكەكێ و حەشدا شەعبی دەستێ خۆ داناینە سەر شنگال و ئاستەنگە بۆ زڤرینا قانوونی ل شنگال دروست دكەت، چونكو د بەرژوەندیا وان دایە ئاوارێن شنگال نەزڤرنە سەر جهێن خۆ و پەكەكە و حەشدا شەعبی ناهیلن شنگال بهێتە ئاڤەدانكرن، داكو شنگال هەر بن دەستێ واندا بمینت، لەورا ژی ئاستەنگە بۆ ئاڤەدانیا شنگال دروست دكەن”.
ئاشكەرا كر كو: “نوكە ژی پەكەكە و حەشدا شەعبی یێ هەموو هەولا دەن بۆ لاوازكرنا دەنگێن خەلكێ شنگال، لەورا ژی خەلكێ شنگال پێدڤییە نەهێنە خاپاندن داكو مافێن وان بهێنە دەستڤەئێنان ل حكومەتا عێراقی”.
تُتاح هذه الصورة أيضا في: کوردی