پێكئینانا هەڤژینیێ د تەمەنێ سنێلەیێ دا
عزەت برۆ
هەڤژینی گرێبەستەكە روحی یە دناڤبەرا دوو رەگەزێن گونجایی ژ ئالیێن بیر و بۆچۆن و دەروونی و جڤاكی،هەروەسان ئاستێ رەوشەنبیری و تەمەنێ وان ل ئێك نێزیك بت، هەتا ئاستێ وان یێ هشیاریا ژیانێ دگەهتە وی دەمی كو بریارا پێكئینانا هەڤژینیێ بدەن و خێزانەكێ ئاڤابكن و بەرداوەمی بدەن ب پاشەرۆژێ ، بتریا تایبەتمەندێن ڤی بواری دا كاردكن هۆسا ددەن خویاكرن كو هەڤژینیا دتەمەنێ سنێلەیێ دا یا سەركەفتی نابت.
پشتی داوی ئینانا قۆناغا سنێلەیێ پێكئینانا هەڤژینیێ سەركەفتی ترە، چنكو بریارەكا ژیرمەند و سۆزداریە بۆ هەڤسەنگیا ژیانێ و بەردەوامی دان ب كاروچالاكیێن خۆ و بدەستڤەئینانا بەختەوەریێ و ئارامیێ و ئاڤاكرنا خێزانێ، بەلێ هەڤژینی د قۆناغا سنێلەیێ دا بریارەكە لدووڤ حەزێن خۆ یێن سیكسی ددەت و یا دەمی یە، ژبەركو گەشەكرنا هۆرمۆنێن سكسی حەزا سنێلەیان بۆ هەڤژینیێ زێدە دبت لەوما بریارەكا بلەز ددەن بۆ هەڤژینیێ و زوو پۆشمان دبن چنكو ل تەمەنێ سنێلەیێ پێكئینانا هەڤژینیێ یا سەركەفتی نابت ژبەر چەندین ئەگەرا ژ وانا ژی:سنێلەیی گەشەكرنا لەشی یا بلەزە مرۆڤێ سنێلە یێ تەمام و ژ ئالیێ لەشی ڤە بەلێ گەشەكرنا هزری و ئاقلی یا هێدیە كەسێ سنێلە شیانێن بەرپرسیارەتیا خێزانێ نینە، هەروەسا ئارمانجا سنێلەی ژ هەڤژینیێ بۆ تێركرنا حەزێن سیسكسی یە پشتی حەزێن وان تێردبن هەڤژینیێ چ بەهایێ خۆ ل نك وان نامینت.
دیسان ئێك ژ ئەگەران ل دەمێ سنێلە بێ بەهر بت ژ سۆزداریا خێزانێ دێ بزاڤێ كەت ل پێگهۆرەكی بگەرت،لەوما بۆ بدەستڤەئینانا سۆز و ئارامیێ بریارا هەڤژینێ ددەت، هەروەسا نەبوونا هشیاریا جڤاكی گەلەك جاران دەیك و باب زۆریێ ل سنێلەیی دكن كو هەڤژینیێ ئەنجام بدەن ژبەر داب ونەریتێن جڤاكی و ب تایبەتی بۆ كچان هۆسا هزردكن ئەگەر كچ مەزن بوو دەلیڤا شووكرنا وێ دێ كێم بت.
هەروەسا هەڤژینیا ل قۆناغا سنێلەیاتیێ دا گەلەك ئاریشە و زیان هەنە ژئالیێ لەشی ڤە ب تایبەت كچ نەیا بەرهەڤە بۆ ئینانا زارۆكا ڤێ چەندێ مەترسی لسەر ژیانا وێ هەیە ل دەمێ زارۆكبوونێ،دیسان ژئالیێ جڤاكی ڤە كەسێن سنێلە نەیێ بەرهەڤە بۆ رێڤەبرنا خێزانێ و چارەسەركرنا ئاریشا ئەگەر هات و ئاریشەكا بچووك هەبت دێ بتە ئەگەرا هندێ ژئێك جودابن،هەروەسا ژئالیێ دەروونی ڤە سنێلە پێتڤی چاڤدێریا خێزانێ یە چاوا سنێلە دێ بتە خودان خێزان و بكارێ پەروەردەكرنا زارۆكێن خۆ رابت.
تُتاح هذه الصورة أيضا في: کوردی