بەرپرسێ لقێ شێخان رۆلێ بنگەهێ لالش بلند نرخاند
تۆرا لالش:
ئیرۆ ب ئامادەبوونا بەرێز عەبدلخالق بابیرى ئەندامێ سەرکردایەتیا پارتى و بەرپرسیارێ لقا بیستا شێخان، و بەرێزان شێخ شامۆ سەرۆکێ دەستەیا بلندا بنگەهێ لالش، و کەریم سلێمان برێکارێ وەزارەتا چاندنێ ل هەرێما کوردستانێ، و ب بەرهەڤبوونا ئەندامێن تاى و نڤیسنگەهێن دەڤەرێ و جەماوەرێ شێخان و بەربن وبنکەند (بابیرێ و خەتارێ ئێک و دوو ، سرێچکا و بێبان ، وشێخکا ) ونڤیسینگەهێن مەهەتێ و ئێسیا و پەرستگەها لالش و تایێن باشیک و بەحزانێ، سمینارەک ژلایێ بەرێز عەبدالخالق بابیرى ڤە هاتە پێشکێشکرن.
ل دەستپێکێ بەرێز شێخ شامۆ ب خێرهاتنا ئەندامێن تاى و نڤیسنگەهێن دەڤەرێ و ئامادەبوویان کر، و سوپاسیا کاک عەبدالخالق بابیرى کر ژبەر پشکداریا وى دگەل وان ژبۆ هندێ بەحسێ گرنگیا پشکداریا هاولاتیان د هەلبژارتنان دا بکەت و بەحس ل رۆلێ بنگەهێ لالش د ڤان هەلبژارتنان دا بکەت، دئالیەکی دی دا شێخ شامۆ ب درێژى بەحسێ وێ چەندێ کر کو بنگەهێ لالش د هەموو روودان و کاودانان دا ل رێزا ئێکێ بوویە د خزمەتا سەرۆک بارزانى و سەرکردایەتیا سیاسیا کوردستانێ دا، هەروەسان داخواز ژ ئەندام و لایەنگرێن بنگەهێ لالش و خەلکێ دەڤەرێ کر دەنگێن خۆ بدەنە کاندیدێن پارتا دیموکراتا کوردستانێ و ب تایبەت شەریف سلێمان ژبەرکو خودان شیان و سەربۆرە د کارێ خۆدا.
پاشان عبدلخالق بابیری تیشک خستە سەر رۆلێ ئێزدیان د شۆرەشێن کوردى دا و دیار ژى کر سەرۆک بارزانى هەردەم وەکو پێکهاتەکا رەسەنا کوردستانێ پشتەڤانى ل کوردێن ئێزدى کریە.
د ئالیەکێ دن یێ بانگەشێ دا بەرێز عەبدالخالق بابیرى رۆلێ بنگەهێ لالش بلند نرخاند دناڤ جڤاکێ کوردێن ئێزدى و کوردستانێ دا، و دیار ژى کر هەر ژ دەستپێکا دامەزراندنا ئەڤى بنگەهى پارتا دیموکراتا کوردستانێ بەردەوام پشتەڤانى لێ کریە و تا نۆکە ژى هاریکار و پشتەڤانە.
د تەوەرەکێ دن یێ ئاخفتنا خۆ دا ناڤهاتى بەحسێ چارەنڤیسازیا هەلبژارتنان و گرنگیا ئێزدیان د هەلبژارتنێن پەرلەمانێ ئیراقێ دا کر، و داخواز کر کوردێن ئێزدى ل هەموو دەڤەرێن خۆ هەبوونا خۆ ب سەلمینن و دەنگێ خۆ بدەنە کاندیدیێن وێ پارتێ یا بەردەوام خزمەتا وان دکەت ئەوژى پارتا دیموکراتا کوردستانێ یە، و داخواز ژ خەلکێ ڤێ دەڤەرێ کر دەنگێ خۆ بدەنە کاندیدێ پارتى شەریف سلێمان هژمارا وى (24)ــە و خودان خزمەت و سەربۆرە و دێ کارت دەنگێ ئێزدیان ب ئەمانەت بگەهینتە پەرلەمانێ عیراقێ .
تُتاح هذه الصورة أيضا في: کوردی