چارەسەریەکا نوو بۆ کۆرۆنایێ هاتە دیتن

چارەسەریەکا نوو بۆ کۆرۆنایێ هاتە دیتن

وشه‌:

کومپانیا میرک یا بەرهەمئیانا چارەسەریین ساخلەمیێ د نووترین ڤاکولین دا دیارکر کو ئەو گەهشتنە ئەنجامەکێ نوو بۆ چارەسەریا ڤایروسا کۆرۆنایێ، تایبەتمەندەکێ پەژیکا ژی ددەت دیارکرن کو ئەنجامێن دەستپێکی دلخوشکەرن.

د. جەگەر ریکانی، تایبەتمەندێ پەژیکا کو نوکە وەکو نوژدار ل ئەمریکا کار دکەت دیارکر کو کومپانیا مێرک یا بەهەمئینانێ رابویە ب ئەنجامدانا نووترین ڤەکولین ل بارا دیتنا چارەسەرییەکا نوو بۆ ڤایرۆسا کۆرۆنایێ، ب گورەی ئەنجامێن تاقیکرنا دەستپێکێ ل سەر ئێکەم دەرمانێ کو ئێکسەر کاردکەت دژی ڤایرۆسێ کۆرونا ژ بۆ چارەسەریێ، نە خوە پاراستنێ کو ئەو ژی ڤاکسینا مۆلنوپیراڤیرە.

زێدەتر گوت، ئەڤ ڤاکسینە زۆر د گەشبینن و دیارە دێ ل پاشەروژەکا نزیک هێتە پەیرەوکرن ژ لایێ ئاژانسا FDA یا ئەمریکی ڤە، کو ئێکە ژ ئاژانسێن ناسیار و بناڤودەنگ.
رەنگە بهایێ کۆرسێ چارەسەریێ بو ئەڤ جورێ نوویێ دەرمانی ل ئەمریکا بگەهیتە سنورێ 700 دۆلاران

ناڤبری دیارکر ژی کو ئەڤ چارەسەرییە دهێتە وەرگرتن وەک حەبک بۆ ماوێ پێنج رۆژان و گوت ژی، رەنگە بهایێ کۆرسێ چارەسەریێ بو ئەڤ جورێ نوویێ دەرمانی ل ئەمریکا بگەهیتە سنورێ 700 دۆلاران، ئەنجامێن دەستپێکی دیارکریە ژی کو ئەڤ چارەسەرییە کاریگەریا خوە هەیە دژی نفش و جوورێن نوو یێن ڤایرۆسا کۆرونایێ مینا دەلتا و میو و ڤایرۆسێن خوە گوهر.

دوماهیا سالا 2019ێ ڤایرۆسا کۆرۆنایێ ل وەلاتێ چینێ سەرهلدا و هەتا ناڤەراستا سالا 2020ێ ل پرانیا وەلاتێن جیهانێ بەلاڤبوو، د نوکە دا جیهانێ هەموویێ بەلاڤبویە و پێلا سێ یێ بخوڤە دگریت، دهێتە چاڤەرێکرن کو پێلا چوارێ ژی بهێت.

تُتاح هذه الصورة أيضا في: کوردی