شاكرم ب رەحما خودێ
مهھدی حهسهن 
ههكه دنیا ههمی لێك جهما بی ل سهر رایهكێ راوهستابی بێی فروارا خودێ بهلگێ دارێ ژ دارێ نابی” فریقێ دلشەوتی بابێ سێ كورێن جوانەمەرگ( كوڤان و نێچیرڤان و یوسف ) ئەڤێن ب رویدانەكا دل تەزین یا ھاتن و چوونێ گیانێ خو ژ دەست داین بەرامبەر میدیایێن راگەھاندنێ ب رۆندكێن چاڤا و ب ئاخ و ئۆف و كەسەر دبێژت ئەڤە قەدەرا من بو ھەر سێ كۆترێن من ژ دەستێ من فرین ئەز شاكرم ژ خودێ تەعالا …. ب راستی كارەساتەكا ھەرە مەزن ب سەرێ ڤی زەلامێ خوراگر و خودان رەحم و بیر و باوەر ب ئێكانە یا خودێ و مرنێ ھەی ھات ژ دەست دانا سێ كورێن گەنچ و ژێھاتی و چەلەنگ ب رویدانەكا چاڤ لێ نەكری گەلەك زەحمەتە، ژ بو پیاسەكێ ژ ناڤ مالا خو دەركەفتین ھەر سێ برا پێكڤە داكو دیاریەكێ ژ بو برایێ خو بكرن توشی رویدانەكا ھاتن و چونێ بوون جھێ داخێ ھەر سێ برا گیانێ خو ژ دەست دان و ھێدی ڤەنەگەریان مال و ب دای و بابێن خو شاد نەبوون، تشتێ ھەری نەخوش برایەكی ژوان ئەو سەعەتەك بو ژ ئەركێ خو یێ لەشكەری ھاتی ھێشتە زارۆكێن وی تێر ھەمبیز نەكر بون، ھێشتە بابێ جەرك سۆتی ل دیوانا وی نە رونشت بو دەنگ و باسێن لەشكەری پرسیارا دوست و ھەڤالا ھێشتە ژێ نەكربوو، ھێشتە ھەمی ل ھیڤیا چڤینا شەڤێ بون شەڤ بێریەكا خوش پێكڤە ببورینن، ھەی ھوار چ شەڤ ل سەر ڤێ خێزانێ دا ھات بەس خودێ مەفەربت و سەبرو ھەدارێ بدەت وان ھەگەر چیا دێ ل بەر ڤێ مسیبەتێ حەلیێت و روخێت! كی دێ بێژت كی دێ خەبەر دەت كی دێ دل ھێلت ئەی ھوار سێ برا سێ كورێن ب بەلنگازی مەزن كرین ب ئێك ساتە وەخت گیانێ خو ژ دەست دان كا ئەو زمانێ بێژت كا ئەو دلێ خو ل بەر بگرت قیرێن و ھاوار و گازی ل بەر ئەزمانی سەكەنین خەلكێ دەڤەرێ دوست جیران ھەمی سەرسورمان كەر و لال بون ژ بو ڤێ رویدانێ ، راستە دوژمن و نەیارا ھندە سالا دربێن مەزنتر ل مللەتێ مە داینە گەلەك خێزان ژ ناڤبرینە و كوشتینە و سوتینە بەلێ مە دگۆت ئەو دوژمنن ، بەلێ ئەڤ كوترێن فریقی ل بەر دەرگەھێ وی فەلەكێ چەرخا خو لێ دا و رەڤاندن نە داعش بوون نە بەعسی بوون نە دوژمن بوون، خەلكێ مە د ھاوارێ بێت ھەڤچەپەرێن فریقی و كورێن وی یێن لەشكەری و وەزشڤان و كادرێن پارتی د ھاوارێ بین بەلێ ھیدی ھاوار و گازی ژی فایدە نەكر قەدەرا خودێ بو ھەگەر رێكەك ھەبا دا ھێزێن پێشمەرگەھی بەری ھەر كەسی د ھاوارا كورێن فریقی ھێن ژبەر كو ئەو دگەل كورێن خو زێرەڤانێن ئاخ و وەلات بوون دوو ژوان پێشمەرگەھبوون ئێك ژی قوتابی بو ل پەیمانگەھا وەرزشی ل ئاكرێ باوركا بەری ھەر كەسی دا وەرزشڤانێن ئاكرێ د ھاوار و گازیا تە ھێن بابێ ( كوڤان و نێچیرڤان و یوسڤ)ی یێ چەرگ سوتی باوركا كولا تە كولا لقی٢٠ و پارتی و بنەمالا بارزانا باش ب زانە ئیرۆ رۆژ تو كادرێ پارتی ھەمو دوست و ھەڤالێن تە شریكێن خەما تە نە، یان ژی بەحسێ ھەلویستێ جەماوەرێ دەڤەرێ بكەین ژ ھەمی پێكھاتێن بسلمان و ئێزدی و مەسیحیا كا چەند كەتینا خەما وە یان بەحسێ بنەمال و عەشیرەت و ئاغا و ئیدارا پارێزگەھا دھوك و لەشكەرێ كوردستانێ و قوتابێن پەیمانگەھا وەرزشی یان خەلكێ چرە و دەڤەرێ بكەین ل ھەمی مال و جھا تازی و شین و گریبیە ئەڤجار چ ب كەین چ ژ مە ناھێت كولا تە كولەكا گرانە بەس خودێ ھاریكار بت ھەی بابێ خودان رەحم و خودێ ناس باش و باش دزانین تە وەسا كورێن خو بو مە دانە ناسین و تە دگۆت : ئێك عگید و مێرخاسە . یێ دوویێ ھەڤال و دوستێ منە ھەر گاڤ دەستێ وی دناڤ دەستێ مندا بو . یێ سێ وەزشڤان و كوترا من بو ، بەلێ ھەر سێ چون ھەر سێ كوترێن من فرین و ئەز ھێلام .
تُتاح هذه الصورة أيضا في: کوردی