سهرۆك بارزانی و سهرۆكايهتێن ههرێمێ پهيامان د سالڤهگهرا سهرهلدانێ دا بهلاڤ دكهن
گاڤ نيوز
د سالڤهگهرا 31ێ يا سهرهلدانا گهلێ كورد دا، ههر ئێك ژ سهرۆك مەسعوود بارزانی، و سهرۆكێ ههرێما كوردستانێ و سهرۆكێ جڤاتا وهزيران پهيامێن پيرۆزباهيێ بهلاڤكرن.
سەرۆک مهسعوود بارزانى ب ڤێ ههلكهفتێ دياركر؛ سهرهلدان ئێك ژ سهروهرى و دهستكهفتێن بهاگران يێن گهلێ كوردستانێ يه و دهرفهت بوو ژ بۆ گهلێ كورد كو جيهان د ئێش و ئازارێن وان بگههيت.
تێدا ديار ژى كريه: حهزا ئازاديێ و رويبريبوونا ستهمكاريێ ههردهم د ناخێ مرۆڤێ كورد دا ههبوويه و دێ مينيت.
گۆت ژى؛ ئێك ژ دهستكهفتيێن سهرهلدانێ ئێكرێزيا گهل و پێشمهرگه و لايهنێن سياسى و پلان و دويربينيا سهركردايهتيا سياسى يا كوردى بوو.
ههروهسا نێچيرڤان بارزانى سهرۆكێ ههرێما كوردستانێ د سالڤهگهرا سهرهلدانێ دا پهيامهك بهلاڤكر كو تێدا هاتيه؛ پاراستنا ئازادى و دهستكهفتيێن سهرهلدانێ و مافێن دهستوورى يێن ههرێما كوردستانێ، ئهرك و بهرپرسيارا ههڤپشك يا ههمى كوردستانيانه.
سەرۆک نێچیرڤان بارزانی زێدهتر ژى دبێژيت “بلا ئهڤ ههلكهفته هاندهرێ مه بيت بۆ بهێزكرنا گيانێ لێبۆرین، پێكڤهژيان، ئێكرێزی، و ئێكدو قهبويلكرنێ و كاركرنێ ژ بۆ وان ئارمانجان يێن كو شههيدێن سهرهلدانێ و ههمى شههيدێن كوردستانێ گيانێ خۆ بۆ كريه قۆربانى”.
مهسروور بارزانى سهرۆكێ حكومهتا ههرێما كوردستانێ ژ لايێ خۆڤه پهيامهك ب ههلكهفتا سهرهلدانێ بهلاڤكر كو تێدا هاتيه؛ ئێك ژ پهيامێن گرنگ يێن سهرهلدانا 1991 ئهو بوو كو خهلكێ كوردستانێ چ جاران دهستبهردارى ماف و داخوازيێن نهتهوهيى يێن خۆ و ژيانهكا ئازادانه نابيت و ژ بۆ ڤێ چهندێ قۆربانيێن مهزن داينه.
تێدا هاتيه ژى: پێدڤيه هێز و لايهنێن سياسى و خهلكێ كوردستانێ ب ههمان گهرموگۆريا دهمێ سهرهلدانێ، بهڕهڤانيێ ژ دهستكهفت و مافێن رهوايێن خۆ بكهن كو ب خوينا ب هزاران شههيدان بدهستڤههاتينه.
تُتاح هذه الصورة أيضا في: کوردی