پارتى د سالڤهگهرا 31 يا سهرهلدانێ دا پهيامهك بهلاڤكر
گاڤ نيوز
مهكتهبا سياسى يا پارتى ديمۆكراتى كوردستان ئهڤرۆ رۆژا ئهينيێ پهيامهك د سالڤهگهرا 31ێ يا سهرهلدانا گهلێ كورد ل كوردستانا باشوور دا بهلاڤكر.
ل گۆرهى پهياما پارتى؛ سهرهلدانا ئادارا سالا 1991 خهلهكهيهكا چارهنڤيسساز د تێكۆشين و بهردهوامبوونا خهباتا گهلێ كورد دا بوو كو ب بڕيارا سهركردايهتيا سياسى و هێز و لايهنێن سياسيێن كوردستانێ و ب بهشداريا جهماوهرێ دلسۆز ل باژێڕێ رانيه دهستپێكر.
تێدا هاتيه ژى؛ سهرهلدان وهك پهيامهكا مافخوازانه يا گهلێ مه رويدا و پێنگاڤهكا مهزن و هيڤيبهخش ژ بۆ ئاڤاكرنا ئهزموونهكا نوى يا حوكمرانيێ بوو كو ل سالا 1992 د پهرلهمان و حكومهتا ههرێمێ دا بهرجهسته بوو.
پهيامێ ئاماژه ب وێ چهندێ ژى دايه؛ ئهم وهك پارتى ديمۆكراتى كوردستان وهكى ههردهم ل سهر پرهنسيپ و پهياما راست يا پارتا مه و سهرۆك مهسعوود بارزانى، جهختيێ ل سهر رێكخستنا ناڤماليا كوردى دكهين ب جۆرهكێ كو ههمى لايهن بۆ چارهسهركرنا كێشهيان د ئێكگۆتار بن.
ل جههكێ دى ژ پهيامێ هاتيه: ئهم پشتهڤانيا خۆ بۆ ههلويست و بڕيارێن چار سهرۆكاتيێن ههرێما كورستانێ ل دۆر دهستههلات و ماف و شايستهيێن دارايى يێن ههرێما كوردستانێ ل گۆرهى ياسا و دهستوورێ فيدرالى رادگههينين.
سوبههى رۆژا شهمبيێ 31 سال ب سهر دهستپێكرنا سهرهلدانا گهلێ كورد ل كوردستانا ئيراقێ دبۆرن كو چريسكا وێ ل باژێڕێ رانيه ل 5ى ئادارا سالا 1991 دهستپێكر.
تُتاح هذه الصورة أيضا في: کوردی