هێکێن “کیندەر سۆپرایز” 63 کەس تووشی نەخۆشیا سالمۆنێلا کرن
گاڤ نیوز
هێکێن کیندەر سۆپرایز ل بریتانیا هاتنە قەدەغەکرن و ئەگەر بۆ تووشبوونا ب دەهان زارۆیان ب نەخۆشیەکا بەکتریایی ڤەدگەڕیت.
ئاژانسا بی ئەی مەدیا یا بریتانی راگەهاند: ل بریتانیا 63 کەس کو پتریا وان زارۆنە، پشتی چۆکۆلاتا هێکێن کیندەر سۆپرایز خواری، تووشی نەخۆشیا سالمۆنێلا بووینە و پشتی تووشبوونا وان، حکومەتا بریتانیا داخواز ژ کۆمپانیا فێرێرۆ کریە چۆکۆلاتا خۆ ڤەبگەڕینیتە بەلژیکا، ژبەر کو چۆکۆلاتا هێکێن کیندەر سۆپرایز ل وی وەلاتی دهێتە بەرهەمئینان.
هێکێن کیندەر سۆپرایز ل ئەمریکا ژی قەدەغەنە، ژبەر کو ل گۆرەی یاسایا وی وەلاتی، نابیت دیاری د ناڤ کەلوپەلێن خوارنێ یێن زارۆکان دا هەبن.
کەسێن تووشی نەخۆشیا سالمۆنێلا دبن، بەکتریایەک دچیتە د رویڤیکێن وان دا و دبیتە ئەگەر بۆ دەمێ 8 دەمژمێران تا 3 رۆژان تووشی زکچوونێ ببن و هندەک ژ وان پێدڤی دبن بۆ نەخۆشخانێ بهێنە ڤەگوهاستن.
تُتاح هذه الصورة أيضا في: کوردی