ميرێ ئێزديان:گێڕانا تاووسێ دێ دهست پێ كهت
تۆرا لالش/دلگهش باعهدرى
پشتى بۆ ماوێ ههفت سالان گێرانا تاووسێ دناڤ ئێزدیان دا هاتيه سهكناندن،ب بريارا جڤاتا رۆحانى دووباره دهست ب گێرانا رێورهسمێن تاووسێ دناڤ گوندێن ئێزدیان قۆناغ ب قۆناغ دێ ئێته كرن،ئێكهم قۆناغا تاووسێ ل دهڤهرا باشیك و بهحزانێ دهست پێ كهت.
مير حازم تهحسين بهگ ميرێ ئێزديان ل كوردستانێ و عێراقێ و جيهانێ بۆ(تۆرا لالش يا راگههاندنێ)دياركر: “پشتی ٣ ی تهباخا سالا ٢٠١٤ دهولهتا ئیسلامی یا عێراق و شام یا ناسیار ب داعش دهڤهرا شنگالێ و باشیك و بهحزانێ داگیر كری كارێن دوور ژ مرۆڤاتیێ دهرههقێ مللهتێ ئێزدی ئهنجام داین ب ههزاران ئێزدی كۆچبهر و دهربهدهر بوون، ژبهر بارودۆخێ ئێزدیان ب بریارا جڤاتا رۆحانی گێرانا تاووسێ دناڤ ئێزدیان دا هاته سهكناندن،لێ پشتی بتر ژ ههفت سالان جارهكا دی ب بریارا جڤاتا رۆحانی تاووس و رێورهسمێن وێ دێ دناڤ گوندێن ئێزدیان قۆناغ ب قۆناغ ئێنه گێران،ئێكهم قۆناغا تاووسێ دێ ل دهڤهرا باشیك و بهحزانێ دهست پێ كهت”.
زێدهتر گۆت : “گێرانا تاووسێ د نها دا یا پێتڤیه بێته گێران دا ئهڤ رێورهسمه نهئێنه ژبیركرن و گهنجێن مه نهۆ تاووسێ ببین بتر نێزیكی ئێزدیاتیێ ببن.
تاووس ئێك ژ پیرۆزترین نیشانێن ئێزدیانه،ههر ژ كهڤندا سالێ دوو جاران دناڤ ئێزدیان دا دئێته گێران”.
تُتاح هذه الصورة أيضا في: کوردی