رێڤهبهرێ پۆليسێن ههرێما كوردستانێ: پتر ژ 5 هزار كهسێن داخوازكرى بۆ دادگههێن ههرێمێ ههنه
گاڤ نيوز
رێڤهبهرێ گشتى يێ پۆليسێن ههرێما كوردستانێ ئهڤرۆ رۆژا سێشهمبيێ راگههاند كو ل ههرێما كوردستانێ پێنج هزار و 920 كهسێن داخوازكرى ژ لايێ دادگههان ڤه ههنه.
ليوا تارق ئهحمهد د داخۆيانيهكێ دا بۆ دهنگێ ئهمريكا دياركر؛ مه ژوورهكا ئوپهراسيۆنان بۆ دهستهسهركرنا وان كهسێن داخوازكرى ژ لايێ دادگههێن ههرێمێ ڤه پێكئينايه.
ديار ژى كر؛ نوينهرێن وهزارهتێن ناڤخۆ، پێشمهرگه و دهزگههێن ئهمنى د وێ ژوورێ دا ههنه.
ئاشكرا ژى كر؛ ل ههرێما كوردستانێ پێنج هزار و 920 كهسێن داخوازكرى ژ لايێ دادگههان ڤه ههنه و ژ وێ ژمارهيێ د چار ههيڤێن دهستبكاربوونا مه دا 470 كهسێن داخوازكرى هاتيه دهستهسهركرن.
راگههاند ژى؛ تۆمهتێن كهسێن داخوازكرى بۆ دادگههان د جودا جودا نه وهكى كێشهيێن خێزانى، دزينا موبايلان و تۆمهتبارێن تاوانێن مهزن.
تُتاح هذه الصورة أيضا في: کوردی