ئێكهتییا ئهورۆپا ژ رهوشا شنگالێ یا دلگرانه
خانى نيوز:
سهرۆكا لژنهیا ئاسایش و بهرگرییێ ل پهرلهمانێ ئهورۆپا ناتالى لویسۆ دووپاتكر، ئێكهتییا ئهورۆپا ژ رهوشا شنگالێ یا دلگرانه و پێدڤییه ب زووترین دهم حكومهتا عیراقێ كار بۆ ئاسایكرنا رهوشا وێ دهڤهرێ بكهت، و داخواز ژ لایهنێن سیاسى یێن ههرێما كوردستانێ كر ههلبژارتنێن پهرلهمانێ كوردستانێ ل دهمێ خوه یێ دهستنیشانكرى بهێنهكرن.
دپرێسكۆنفرانسهكى دا ل پهرلهمانێ كوردستانێ ناتالى لویسۆ ئاشكراكر، مهترسییا داعشێ ل دهڤهرێن ناكوكى ل سهر هێشتا مایه، لهوما هاریكارى بۆ هێزێن پێشمهرگهى و سوپایێ عیراقێ دێ یا بهردهوام بیت.
زێدهتر سهرۆكا لژنهیا ئاسایش و بهرگرییێ ل پهرلهمانێ ئهورۆپا دووپاتكر، رهوشا شنگالێ ئهو دلگران كرینه و خرابییا وێ دهڤهرێ بوویه ئهگهر كو خهلكێ شنگالێ نهشێن ڤهگهرنه جهێن خوه، و دڤێت حكومهتا عیراقێ ب زووترین دهم كار بۆ ئاسایكرنا رهوشا وێ بكهت.
ژلایهكێ دیڤه ناتالى لویسۆیێ دهربارهى ههلبژارتنێن پهرلهمانێ كوردستانێ دیاركر، هیڤییا وان ئهوه ههلبژارتن د دهمێ خوه یێ دهستنیشانكریدا بهێنه كرن، و ل دۆر رهوشا گشتى یا عیراقێ ناڤبرى ئاشكراكر، ئێكهتییا ئهورۆپا عیراقهكا سهربهخو و ب هێز دڤێت، نهكو عیراقهك كو ببیته قوربانییا دهست تێوهردانا وهلاتێن جیران و لایهنێن دهرهكى.
تُتاح هذه الصورة أيضا في: کوردی