وه‌زاره‌تا په‌روه‌ردێ راگه‌هاندنه‌ك به‌لاڤكر
گاڤ نيوز
وه‌زاره‌تا په‌روه‌ردێ يا هه‌رێما كوردستانێ ئه‌ڤرۆ رۆژا شه‌مبيێ دلگرانيا خۆ ژ ته‌رخان نه‌كرنا پشكا هه‌رێما كوردستانێ د به‌رێ بنياتى يێ دروستكرنا 1000 قۆتابخانه‌يان ل ئيراقێ دا ده‌ربڕى.
د راگه‌هاندنه‌كا وه‌زاره‌تا په‌روه‌ردێ دا هاتيه؛ د چارچووڤه‌يێ رێككه‌فتنا چينى- ئيراقى دا، سه‌رۆكوه‌زيرێ ئيراقێ به‌رێ بنياتى يێ دروستكرنا 1000 قۆتابخانه‌يێن نوى ل ئيراقێ دانا لێ جهێ داخێ يه هه‌رێما كوردستانێ ژێ هاتيه بێبه‌شكرن.
تێدا هاتيه ژى؛ پشكا هه‌رێما كوردستانێ 150 قۆتابخانه‌نه و ب نڤيسارا ژماره 374 يا 23ى 11 يا 2020 مه ئاراسته‌ى وه‌زاره‌تێ په‌روه‌ردێ يا ئيراقێ كريه و پارێزگارێن كوردستانێ د سه‌ره‌دانا شاندێ ئيراقێ بۆ چينێ دا د پشكدار بوون كو ئه‌و رێككه‌فتنه بۆ هه‌مى ئيراقێ و ئيراقيايه.
تُتاح هذه الصورة أيضا في: کوردی