“د 6 ههیڤان دا پترى ملیۆنهكا گهشتیاران سهرهدانا ههولێرێ كرینه
گاڤ نیوز
وهزارهتا باژێرڤانى و گهشتوگوزارا ههرێما كوردستانێ راگههاند، د نیڤا ئێكێ یا ئهڤساله دا، پترى ملیۆنهكا گهشتیاران سهرهدانا ههولێرا پایتهختێ ههرێمێ و ناوچهیێن وێ یێن گهشتیارى كرینه. بهراورد دگهل پێشتر 15% هژمارا گهشتیاران زێدهبوویه.
وهزارهتا باژێرڤانى و گهشتوگوزارا ههرێمێ د راگههاندنهكێ دا خۆیاكر، د 6 ههیڤێن بۆرى دا، ملیۆنهك و 117 هزار و 395 گهشتیارێن ناڤخۆ، ئیراقێ و بیانى سهرهدانا پارێزگهها ههولێرێ كرینه. ژ وان 238 هزار و 531 گهشتیار بیانى بووینه.
وهزارهتێ دیار كرژى هژمارهكا چاكسازییان بۆ راكێشانا گهشتیارێن بیانى هاتینه بجهئینان كو كاریگهرى لسهر راكێشانا گهشتیاران بۆ ناوچهیێن گهشتیارى یێن ههرێمێ ههبوویه.
دیاركر ژى ههفتیانه ل باژێرێ ههولێرێ و ههر جارهكێ ل پاركهكێ ئاههنگێن موسیقى و كهرنهڤال بۆ گهشتیارێن بیانى و ناڤخۆ دهێنه كرن.
تُتاح هذه الصورة أيضا في: کوردی