بێریڤان سەلیم:پرۆژەیێن خزمەتگۆزاری ل دەڤەرێن ئێزدیان د ئاستێ پێتڤی دا نینن
تۆرا لالش:
جێگرا سەرۆكێ جڤاتا پارێزگەها دهۆكێ دیاركر كو پرۆژەیێن خزمەتگۆزاری یێن ل دەڤەرێن ئێزدیان هاتینە ئەنجام دان،د ئاستێ پێتڤی دا نینن و پێتڤی ب پرۆژەیێن زێدەترن.
بێریڤان سەلیم،جێگرا سەرۆكێ جڤاتا پارێزگەها دهۆكێ بۆ رۆژناما دەنگێ لالش راگەهاند،دبەرنامێ كابینا نوو یا حكومەتا هەرێما كوردستانێ دا ئیسالە بتر ژ 360 پرۆژان ل سنوورێ پارێزگەها دهۆكێ هاتە راگەهاندن،سەرجەمێ نیڤا وان پرۆژان كەفتنە دبوارێ بجهئینانێ دا،رێژەك ژوان پرۆژا ل دەڤەرێن ئێزدیان بوون وەكو چێكرن و سەخبێركرنا رێیێن نافخۆ و دەرڤەیی و سەخبێركرن و دابینكرنا كەلو پەلێن كارەبێ و چێكرنا تۆرێن ئاڤێ،هەتا نهۆ ژی كار سەر ل هندەك پرۆژان دئێنە كرن.
ئاماژە ب وێ چەندێ دا ئەو رێژا پرۆژان د ئاستێ پێتڤی دا نەبوو،ژبەركو دەڤەرێن ئێزدیان بتر پێتڤی ب پرۆژێن خزمەتگۆزارینە.
تُتاح هذه الصورة أيضا في: کوردی