مامۆستایەكێ زانینگەها سلێمانیێی:بنگەهێ لالش شاشیێن ل سەر ئێزدیان هاتینە نڤیسین راستڤەكرینە
تۆرا لالش:
د.هێمن باقر،مامۆستایێ زانینگەها سلێمانییێ و نڤیسەرێ پەرتۆكا (جەستە لە ئاینی ئێزدی و كاكەیی دا)كو ئێك ژ وەشانێن بنگەهێ لالش یێن ڤێ داویێ بوویە بەحسێ ناڤەرۆكا پەرتۆكا خۆ دكەت و دیاركر،ڕۆلێ بنگەهێ لالش د گرنگی پێدانا بیروباوەر و ئەدەبێ دینێ ئێزدیان دا بلند دنرخینم و جیێ ڕێز و پێزانینێ یە و ڕۆلەكێ مەزن د ناسینا دیرۆكا ئێزدیان دا هەبوویە و كاریە شاشیێن ل سەر ئێزدیان هاتینە نڤیسین راستڤە بكەت.
نڤیسەرێ پەرتووكا ناڤبری بۆ دەنگێ لالش دبێژت:بنگەهێ لالش ب پشتەڤانی یا كۆمەكا ڕەوشەنبیران كاریە ئاینێ ئێزدیان ب شێوەیەكی راست و دروست و ئەكادیمی ب دەتە ناسكرن،ئەڤە د دەمەكی دایە گەلەك جاران نڤیسەرێن ڕۆژهەلاتناس و عەرەب و پشكەك ژ یێن كوردان ژی ب شاشی و دوور ژ راستیان پەرتووك ل سەر ئێزدیان د نڤیسین.
د.هێمن باقری گۆتژی بنگەهێ لالش دەرگەهێ خۆ یێ نڤیسینێ بۆ هەموو وان نڤیسەر و ڕەوشەنبیرێن جیهانێ ڤەكریە كو ڤەكۆلین و نڤیسینان ل سەر ئاینێ ئێزدیان بنڤیسن،ئەوژی ژ پێخمەت خزمەتكرنا ئێزدیان و ئەڤ چەندە ژی خالەكا جیێ خۆشحالیێ یە چنكو كاریە هندەك نەراستیێن ل سەر ئێزدیان ب شێوەیەكی ئەكادیمی راستڤەكەت یێن ل سەر ئێزدیان هاتینە بەلاڤكرن.
هەروەسا بەحسێ ناڤەڕۆكا پەرتووكا خۆ یا ب ناڤێ(جەسەد لە پێكهاتەی ئێزدی و كاكەیی دا) كر و دیاركر،ناڤەڕۆكا پەرتووكا وی ل سەر جەستەییە د ئاینێ ئێزدیان و كاكەییان دا و پەیوەندییا دناڤبەرا ئاین و جەستەیی دا دیار دبت،دیسان ڕۆلێ ئاینی هاتیە دیاركرن د بەرجەستەكرن و كاریگەرییا لڤینان و هەتا جلوبەرگان ژی.
هێشتا دیاركر، هەر دناڤەڕۆكا پەرتووكێ دا هاتیە دیاركرن كا مرۆڤێ ئێزدی چەند كەفتیە ل بن كاریگەرییا ئاینێ خۆل زێدەباری ل بەركرنا جلوبەرگان ژی لایێ ئۆلدارێن ئێزدیان ڤە هاتیە بەحسكرن چنكو دناڤ ئێزدیان دا پشكەكا جلوبەرگان هەینە تایبەتمەندییا خۆ یا هەی و هەر ئۆلدارەك ل پەی پلەیا خۆ یا ئاینی ل بەر خۆ دكەت.
تُتاح هذه الصورة أيضا في: کوردی