جڤاتا نوونەڕێن عێراقێ دێ كۆمبت و یاسایا ڕزگاربوویێن ئێزدی هەمواركەت
خانى نيوز:
د.خالد رێكانی، ئەندامێ جڤاتا نوونەرێن عیراقێ بۆ ئاژانسا خانی ڕاگەهاند، سوباهی ڕۆژا سێشەمبی جڤاتا نوونەرێن عیراقێ دەمژمێر 11 سپێدێ دێ كۆمبیت دێ شەش بڕگان د كۆمبوونێدا گۆتۆبێژكەن.
بڕگا ئێكێ: دەنگدان ل سەر پرۆژەیاسایا هەموارییا فەرمانا ژمارە 10 یا سالا 2004 لدۆر تاپۆکرنا ئەردێن ئاكنجیبوونێ ب کارمەندێن کۆمپانیا پاڵاوگەها واست/دۆرە.
بڕگا دووێ: خواندنا ئێكێ بۆ هەموارییا ئێكێ بۆ پرۆژەیاسایا رزگاربوویێن ئێزدی یا ژمارە 8 یا سالا2021.
بڕگا سییێ: ڕاپۆرت و دانوستاندن بۆ خواندنا دووێ ژ پرۆژەیاسایا چوونا عیراقێ بۆ دناڤ سیستەمێ بنەڕەت یێ بڕگا ڕێکخراوا ئیسلامی بۆ ئاسایشا خوارنێ.
بڕگا چارێ: خواندنا دووێ بۆ پرۆژەیاسایا پەسه‌ندکرنا رێککەفتنا دناڤبەرا عیراق و تونسێ دا.
بڕگا پێنجێ: خواندنا دووێ بۆ پرۆژەیاسایا هەموارییا دووێ یا یاسایا وەزارەتا کار و کارۆبارێن کۆمەڵایەتی.
بڕگا شەشێ: خواندنا دووێ بۆ پرۆژەیاسایا دەزگەهێ ئاسایشا نشتیمانییا عیراقێ.
تُتاح هذه الصورة أيضا في: کوردی