بەرپرسێ لژنا كۆمەڵایەتی ل بنگەهێ لالش:دڤیستەڤالا لالش دا فلكلۆر و جلوبەرگ و موزیك و خوارن و سترانێن ئێزدیان دێ ئێنە ساخكرن
تۆرا لالش/ هۆگر نەجیب
بەرپرسێ لژنا كۆمەڵایەتی ل دەستەیا بلندا بنگەهێ لالش ئاشكەراكر كو ڤیستەڤالا لالش یا ئیسالە دێ بتە دەرگەهەك بۆ پاراستنا ڕەسەنایەتییا فلكلۆرێ كوردێن ئێزدی.
ئەسعەد رەشید،بەرپرسێ لژنا كۆمەڵایەتی ل دەستەیا بلندا بنگەهێ لالش بۆ (تۆرا لالش)دیاركر؛ (فلكلۆرێ مە ناڤ و نیشانێ رەسەنایەتییا مەیە) هەر ژ ڤی دروشمێ ڤیستەڤالێ گرنگییا وێ چەندێ دیار دبت كو رەهـ و ریشالێن فلكلۆرێ مللەتێ مە ڤەدگەرتە بۆ قۆناغێن گەلەكێن دوور، ئەڤەژی رێكەكا بۆ نیشاندانا دیرۆكا ئێزدیان ب جیهانێ ئەوژی ب برگێن هەمەجۆرێن ڤیستەڤالێ مینا ساخكرنا فلكلۆر و جلوبەرگ و موزیك و خوارن و سترانێن ئێزدیان ژلایێ تیپێن مللی.
ناڤهاتی ئاماژە ب وێ چەندێ دا لژنا مە وەكو هەمو لژنێن دی ئامادەكاریێن خوە كرینە بۆ گێرانا ڤیستەڤالا لالش،گرۆپێ مە ب جل و بەرگێن فلكلۆری یێن دەڤەرێن ئێزدیان دێ پشكداری ڤیستەڤالێ بت.
تُتاح هذه الصورة أيضا في: کوردی