بەرپرسێ بنگەهێ لالش ل خانكێ:سەر جەژن و هەلكەفتێن خۆ دێ دبەردەوام بین و بەرسڤەكا بۆ دوژمنی
تۆرا لالش یا راگەهاندنێ
بەرپرسێ بنگەهێ لالش ل كۆمەلگەهێ خانكێ دیاركر كو كارەساتا ڤێ داویێ بسەر ئێزدیان دا هاتی چ كارتێكرنا خۆ لسەر رێورەسمێن جەژنێن مە نەكریە،چەند كارەسات و فەرمان بسەر مە دا بێن ژبەرێ هەتا نهۆ بەردەوام هەولددەین خۆ قایم تر بكن و كەس نكارت مە دوری بیرو باوەرێ مە بكەتن و سەر جەژن و هەلكەفتێن خۆ دێ دبەردەوام بین و بەرسڤەكا بۆ دوژمنی.
(عەنتەر كەلۆ)بۆ رۆژناما دەنگێ لالش راگەهاند،جەژنێن ئێزدیان هەموو ب سروشتی ڤە گرێداینە و گەلەك جەژن هەنە ل پەرستگەها پیرۆزا لالش دئێنە گێران وەكی جەژنا قوربانێ و چلێ هاڤینێ و چلێ زڤستانێ و جەمایێ و هتد،ئەو جەژنێن رێورەسمێن وان نائێنە گێران تایبەت ل پەرستگەها لالش دبینم كارتێكرنا خۆ ل ئێزدیان كریە چ فەرمان یان كارەسات بێنە سەرمللەتێ مە یێن توندرەوا و تایبەت یا ڤێ داویێ یا رێكخراو داعش یا تیرۆرستی،دخوازم بەردەوام رێورەسمێن ئایینی بێنە گێران و نەئێنە سەكناندن،داكو پشتگوه نەهاڤێن بەردەوام سەر هزرا مەبن ل دەمێ هەلكەفتا و جەژنان،چەند كارەسات و فەرمان بێنە سەرێ مە ژبەرێ هەتا نهۆ بەردەوام هەولددەن خۆ قایم تر بكن و كەس نكارت مە دوری بیرو باوەرێ مە بكەتن هەر سەر جەژن و هەلكەفتێن خۆ دێ دبەردەوام بین و بەرسڤەكا بۆ دوژمنێ مللەتێ مە،چەند دچت جەژنێن مە بەرەف باشبوونێ ڤە دچن و ئێزدیاتی پێشڤە دچت و خەلكێ مە بەردەوام نهۆ خزمەتا ئێزدیاتیێ دكن وەكو هاریكاری وخێرخوازی،گۆتژی ئێزدی پیشوازیەكا گەرم ل جەژنێ خۆ دكن ل رۆژێن جەژنا سەرەدانا مەزارگەهان دكن و جەژنا ل هەڤ پیرۆز دكن مال ب مال دگەرن،یا فەرە لدەمێ هاتنە جەژنا تایبەت مامۆستایێن وانا ئێزدیاتیێ ل قوتابخانە دڤێت رۆلێ خۆ هەبت و بۆ قوتابیان بەحسێ هەلكەفتێن ئایینی بكن و هەردەم سمینارێن ئایینی بێنە پێشكێشكرن ژلایێ مامۆستا وكەسایەتیێن ئایینی ڤە ل هەر دەڤەرەكا ئێزدیان بۆ گەنجێن مە یێ نوو هاتی.
كەلۆ خواست كچ و ژنێن ئێزدی یێن هەتا نهۆ دەستێ داعشێ دا ماین بێنە رزگاركرن و ل جەژنێن بێت دا ل ناڤ كەس و كارێن خۆ بگێرن.
تُتاح هذه الصورة أيضا في: کوردی