نزیكى 300 مێگاواتان بۆ تۆڕا كاره‌با نیشتیمانى ڤه‌گه‌ڕیان
K24 – هەولێر:
پڕۆسەی چاکسازیی وێستگەی بەرهەمهێنانی کارەبای خەبات کۆتاییهات و وێستگەکە کەوتە کار و و نزیکەی 300 مێگاوات کارەبا بۆ ناو تۆڕی نیشتمانی گەڕایەوە، بەهۆیەوە ماوەکانی پێدانی کارەبا زیاتر بووە.
پاش کوژانەوەی گشتیی کارەبا، وەزارەتی کارەبا لە رێگەی کۆنترۆڵی کارەبای هەرێم و بەڕێوەبەرایەتیی کۆنترۆڵی پارێزگاکانەوە کۆمەڵە رێوشوێنێکی بۆ باشترکردنی دۆخی کارەبا گرتووەتەبەر.
رۆژی هەینی (1ـی کانوونی دووەمی 2023) وەزارەتی کارەبای حکومەتی هەرێمی کوردستان راگەیەندراوێکی بڵاوکردەوە و تێیدا هاتووە، “تیمەکانی کارەبا لەوانە کۆنترۆڵی کارەبای هەرێم و کۆنترۆڵی شارەکان و لایەنە پەیوەندارەکانی وەزارەتی کارەبا گرفتی کوژانەوەی گشتیی کارەبایان چارەسەر کرد و دۆخی کارەبا ئاسایی بووەوە”.
وەزارەتی کارەبا ئاماژەی بەوەکردووە، لە هەوڵی بەردەوام دان بۆ زیادکردنی بەرهەم و گەڕانەوە بۆ بەرنامەی ئاسایی پێدانی کارەبا.
پێشتر وەزارەتی کارەبا رایگەیاندبوو، “بەهۆی گرفتێکی تەکنیکییەوە، کوژانەوەی گشتی لە سیستمی کارەبای هەرێم روویدا و تیمەكانی وەزارەتی كارەبا سەرقاڵی چارەسەرکردنی کێشەکە و گەڕانەوەی كارەبای گشتین و بەم زووانە کێشەی کوژانەوەی گشتی چارەسەر دەکرێت”.
وەزارەتی کارەبا روونیکردبووەوە، “ئێوارەی رۆژی پێنجشەممه، بەهۆی گرفتێكی تەكنیكییەوە، تەواوی یەكەكانی بەرهەمهێنانی كارەبای هەرێم كوژانەوە و تیمەکانی وەزارەتی كارەبا دەمودەست کێشەکەیان چارەسەر كرد. بەڵام كاتژمێر (1:00)ی شەو بۆ جاری دووەم كوژانەوەی گشتی روویدا”.
تُتاح هذه الصورة أيضا في: کوردی
