فوئاد حسێن وەزیرێ دەرڤە یێ عیراقێ: ب هەڤکاریا حکومەتا هەرێما کوردستانێ حکومەتا عیراقێ ب رێیا لژنا لێکولینێ هەول دایە چارهنڤیسێ ئێزدییێن وندا ئاشكهرا بكهت
تۆرا لالش
فوئاد حوسێن، وەزیرێ دەرڤە یێ عیراقێ گوت: عیراقی ژبەر تیرور و شەڕی کوچبەر بوینە، هەروەسا حکومەتا عیراقێ کار دکەت بو قەرەبوکرنا وان کەسێن زیانمەندێن دەستێ داعش بووین، دڤێت ئەم هەموو هەولا بدەین داکو دگەل جڤاکی تێکەل بین.
دیار ژی كر: وەزارەتا دەرڤە کار کریە داکو جڤاکا ناڤدەولەتی ڤان تاوانان تێبگەهت، هەول ژی ددەین، د ڤێ کونفرانسێ دا وێ بەحس بکەین کو بزانین عیراق چ پێ دکەڤیت د پاراستنا مروڤایەتیێ و وان ئازاران کو خەلکێ عیراقێ هەین کێم بکەین.
ئاماژە ب وێ ژی دا، حکومەتا عیراقێ دگەل حکومەتا هەرێما کوردستانێ ب رێیا کومیتەیا لێکولینێ هەولا دیتنا وان ئێزدیان دایە کو هەتا نوکە وندانە، بو وێ چەندێ کو ئەو ژی ڤەگەڕنە ناڤ کەسوکارێن خو و دادپەروەری جێبەجێ ببیت و قەرەبو بهێنە کرن.
راگەهاند ژی: سوپاسیا هەمی هێزێن ئەمنی دکەین د رزگارکرنا باژێر و گوندان دا ب تایبەت شنگال، کو قوربانی داینە، ئەو قوربانیدان ژی نیشانا برایەتی و ئێکبوونێ یە. هەروەسا سوپاسیا وان حکومەتان دکەین کو دان ب جینوسایدا ئێزدیان نایە، کو ب دەستێ داعش وەها ل وان هات. هەروەسا بەلێن ژی ددەین هەرچی ژ مە بهێت بو قوربانی و کەسوکارێن وان دکەین..
تُتاح هذه الصورة أيضا في: کوردی