تۆرا لالش
دگەل نێزیکبوونا وەرزێ زڤستانێ و نزمبوونا ئاستێ کەش و هەوایی هەروەها وەک پشتەڤانی بۆ کەرتێ پەروەردێ و پالدانا قوتابیان بۆ بەردەوامی دانێ ب خواندنێ و درێژکرنا دەستێ هاریکاریێ بۆ قوتابیان، بنگەهێ لالش تایێ باعەدرێ رابوو ب گەهاندنا هاریکاریان بۆ قوتابیێن قۆتابخانێن سەنتەرێ ناحیا باعەدرێ.
رۆژا دووشەمبوویێ ل رێکەفتی 28 / 10 / 2024 بنگەهێ لالش تایێ باعەدرێ سەرەدانا هەموو قۆتابخانێن سەنتەرێ ناحیا باعەدرێ کر و ژلایێ رێڤەبەر و هاریکار و ستافێن مامۆستایان ڤە هاتە پێشوازیکرن و زێدەتری(50)قەمسلە ب سەر قوتابیێن پێدڤی یێن هەر یەک ژ قۆتابخانا(ئامادەیا باعەدرێ / میترا بنەڕەت / زهێرا بنەڕەت / شەهید مەحمود ئێزدی / باعەدرێ بنەڕەت) دابەشکرن.
ژلایێ خۆڤە تەڤایا کارگێریێن قۆتابخانان دەست خۆشی و سۆپاسیێن خۆ ئاراستەی بنگەهێ لالش باعەدرێ کرن ژبۆ ڤی کارێ جوان و خێرخوازی.
هەژی گوتنێ یە سالانە بنگەهێ لالش تایێ باعەدرێ چەندین کار و چالاکیێن خۆ دئێختە دخزمەتا کەرتێ پەروەردێ و فێرکرنێ دا سەنتەرێ ناحیا باعەدرێ وەک پشتەڤانی ژبۆ کاروانێ خواندن و فێربوونێ.
تُتاح هذه الصورة أيضا في: کوردی