تۆرا لالش
دبێژنو وان كەسان ئێزدی یێ كو پەیرەوێ ئاینێ (ئەزدایی) نە، چنكو ژ بلی نەتەوا كورد هیچ نەتەوەیەكا دی ل جیهانێ هەلگرێ ئاینێ ئێزدی نینە، دیاركرنا دیرۆكا ئێزدیان، دیاركرنا دیرۆكا رەسەن یا نەتەوەیێ كوردا، چنكو ئێزدی ب رەسەنترین خەلكێ كوردستنانێ و خۆدان ئاخ و دیرۆكا نەتەوا كوردی دئێنە ناسكرن كو پاشماوێن ئاری و میدیانە، هندەك ژێدەرێن دیرۆكی خۆیا دكەن پاشماوێن سۆماریانە، خودانێن كەڤنترین شەرستانیەتا سەر روویێ ئەردی نە.
ئێزدیاتی كەڤنترین میراتێ ئۆلا كوردانە و ئولا سوندێ و باوریێ یا مللەتێ كورده و بنگەهێ ئولا ئێزدیان رۆژه، گەلەك جارا كوردێن نەیت ئێزدی سوند دخون ب روژێ ، نانی، زادی و گۆری(قبر)…. هتد یان زاب خودێ (زاب واتە رووبار ب زمانێ سوباری، زا ب خودێ هەموو پێكڤە دبتە یاخودانێ روباری) ئەڤ سوندە ل ناڤ زێباری و بارزانیان هەتا نهۆ دئێته ب كارئینان و ئەڤ جۆرێ سوندێ ژ باب و باپیرێن خۆ یا وەرگرتین بەری هاتنا پەرتۆك و ئاينێن ئەسمانی ب هەزاران سالان، چنكو كورد ئاری بوون ل سەر ئۆلا رۆژ پەرێسیێ بوون، دینێ نەتەوەیی یێ كوردان زەردەشتی یە ل سەردەمێ دەولەتا ئەخمینینان بۆ دینێ نەتەوەیی یێ كوردان، بەری هاتنا ئیسلامێ ئۆلا پتریا كوردا ئێزدی بوون ل گۆر گۆتنا دكتۆر مه‌مۆ سالا 636 زاینی ئیسلام هاتیە دەڤەرێ بەری ڤێ مێژوویێ هیچ كوردەك نەببوو بوسلمان.
كورد بەری ب دینێ ئیسلامێ بگرن (كورد و ئاشوری) بوون، ئێزدیاتی وەك ئۆل دئێتە ناسكرن، ئۆلا ئێزدیان نە مزگین بەخشە (تەبشیری یە)،چنكو نەخودان پێخەمبەر و نەبی نە، پێخەمبەر ئەوه دەمێ پەیاما خۆ ب پەرتۆكەكا پیرۆز بەلاڤ دكەت واتە (رسول خۆدان ریسالەیە) وەك : موسا،عیسا و مەحەمەد …… هتد، و نەبی ب زارەكی پەیاما خۆ بەلاڤ دكەن وەك نەبی أبراهیم رامانا ناڤێ وی (ئێ براحم)، ئیزدی دبێژنێ (برهیم) ناڤێ دایكە و (تلی) یە و بابێ وی (ئیزەرە) د ئاینێ ئاسمانی دا ب ناڤێ (ئازر) وێ هاتی و دبتە برازیێ نەمروودی ئێزدی دبێژنێ (نەمر)، هه‌ڤالێ وی یێ هه‌ڤالینێ (برایێ ئاخرەتێ) پیر مەلك سالم بوو، ناڤێت كابانی یە وی سارێ و هەجار بوون، برایەك هەبوو ناڤێ وی (ئارام) بوو.
برهیم ژ سادق ماشێ خۆ وەرگرت
برهیمی ژ سالم علمێ خۆ پر گرت
فەقیرا ل عەردی ئەو عیلم هلگرت
سه‌ره‌كانیا پەیدا بوونا ئۆلا ئێزدیان سروشتە نەك ریێا پێخەمبەرا ئێزدیاتی یەكێتی بوونە (وحددە الوجودە ).
تُتاح هذه الصورة أيضا في: کوردی
