تۆرا لالـش
ل كۆمهلگهها شاریا ههلمهتهكا بهرفرههـ بۆ پشتهڤانیا رۆژئاڤایێ كوردستانێ دهێتهكرن.
بنگههێ لالش تایێ سنوونێ بۆ ماوهیێ چهندین رۆژان پشكداری ههوا كۆمڤهكرنا هاریكاریان بۆ ڕۆژئاڤایێ كوردستانێ دكر و ل كۆمهلگهها شاریا سهرپهرشتیا كهمپینێ دكر.
سلێمان فانۆ بهرپرسێ تایێ سنوونێ بۆ تۆرا لالش دا دیاركرن: خهلكێ شنگالێ بگشتی پشتی ڕۆژئاڤایێ كوردستانێ كهفتیه بهر هێرشێن دهولهتا سوریێ. ئێكسهر ئاوارێن كۆمهلگهها شاریا رابوون ب پێشكێشكرنا هاریكاریان ژوانژی شیرێ زارۆكان و جلوبهرگ و خوارن و دگهل ههر پێتڤیاتیهكێ و ههموو هاریكاری مه كۆمكرن و د نۆكهدا دهێنه هنارتن بۆ رۆژئاڤا.
گۆتژی: سهرهرایی باردۆخێ ئاوارهبوونێ و زهحمهتیێن خهلكێ مهیێ شنگال تێدا دهرباز دبنة ئهڤه ههموو نهبووینه رێگر بهرامبهر هاریكاریان بهلكو خهلكێ مه ب گیانهكێ پری مرۆڤایهتی و نهتهوهیی پشكداریێ د ڤێ ههوێ دا دكهن.
بهرپرسێ تایێ سنوونێ ئاشكهرا كر:ههموو هاریكاری گههشتینه لیژنا بلندا كۆمكرنا هاریكاریان ل پارێزگهها دهۆكێ و دهێنه هنارتن بۆ ڕۆژئاڤایێ كوردستانێ.
تێ زانین ئهڤ دهستپێشخهرییه د چارچۆڤێ زنجیرهیهكا ههلویستێن مرۆڤایهتی دئێت پشتی قهیرانێن سوریێ درێژ بووین، ئهڤه د دهمهكیدایه ههموو پێكهاتهیێن كوردستانێ و حكومهتا ههرێما كوردستانێ بهردهوامن دگهل هنارتنا هاریكاریان بۆ رۆژئاڤایێ كوردستانێ و مهرهم ژی سڤككرنا باردۆخێ لێقهومایانه.
تُتاح هذه الصورة أيضا في: کوردی