ل گوندێ ئێسیا پەرتووکا ( الرؤية الكونية والوجودية في الفلسفة الإيزيدية ) هاتە ئیمزاکرن
تۆرا لالـش
ژ بزاڤ و چالاکیین بەردەوام و هه‌مه‌جۆر یێن نڤیسینگەها لالش ئێسیا ل رێکەفتی 6/2/2026 ب ئامادەبوونا رێزدار (سەعید جردۆ) سەرۆکێ دەستەیا بلندا بنگەهێ لالش یێ رەوشەنبیری و کۆمەلایەتی و ژمارەیه‌کا مامۆستا و ڕه‌وشه‌نبير و كه‌سايه‌تى و ڕیهسپی و ماقول و موختارێن دەڤەرێ و ئەنجومەنێ مالا میرا و کارگێریا رێکخراوا ئێسیا و بەرپرسێ بنگەهێ لالش تایێ شێخان و بەرپرسێ بنگەهێ لالش باعەدرێ، نڤیسینگەها لالش ئێسیا ڕێوره‌سمێن ئیمزاکرنا پەرتوکا ڤەکۆلەر و نڤیسەر (قاسم مرزا الجندی) ل ژێر ناڤ و نیشانێ ديتنا گەردوون و هەبوونێ د فەلسەفا ئێزیدی دا (الرؤية الكونية والوجودية في الفلسفة الإيزيدية) گێرا.
ل دەست پێکێ ئامادەبوویی خۆلەکەکێ وەک ڕێزگرتن ل سەر گیانێ شەهیدێن کورد و کوردستانێ سه‌كنین و پاشان بەرپرسێ نڤیسینگەها لالش ئێسیا لوی ئێسیانی ب خێرهاتنا مێهڤانان کر و ژیانناما نڤیسەری دا دیارکرن و پاشان نڤیسەری ناڤبری به‌حس ل ناڤه‌رۆكا پەرتوکا خۆ كر.
ل داویێ دانوستاندنەكا ڤەكری دناڤبەرا ئامادەبوویان و نڤیسەری دا هاتەكرن و په‌رتوك هاتە ئيمزاكرن و ل سەر ئامادەبویان هاتنە بەلاڤكرن.
تُتاح هذه الصورة أيضا في: کوردی