بەریکانا رەوشنبیری و زانستی بۆ نێزیکی پێنجی کوڕ و کچان بنگەهێ لالش باعەدرێ ئەنجامدا.
تۆرا لالش یا راگههاندنێ
ب پشکداریا نێزیکی 50 کوڕ و کچان، رۆژا پێنج شەمبوویێ رێکەفتی (2 / 4 / 2026) بنگەهێ لالش باعەدرێ بەریکانەکا رەوشنبیری و زانستی ئەنجامدا.
ڕێ و رەسمێن بەریکانێ ب ئامادەبوونا سەرۆکێ دەستەیا بلندا بنگەهێ لالش بەڕێز(سعيد جردو) و کارگێریێن لیژنا ناوچا باعەدرێ یا پارتی دیموکراتی کوردستان (میران سەباح) و(ڤینوار قاسم ڕەشۆ) ب رێڤەچوو.
ل دەستپێکێ بەرپرسێ بنگەهێ لالش باعەدرێ (خلات باعەدری) بخێرهاتنا ئامادەبوویان کر و مەرەم و ئەگەر ژ بەریکانێ دانە خویاکرن و چەند گۆتنێن گرنگ ل دۆر ڤێ هێڤاریا رەوشەنبیری بەحس کرن.
پاشی هەر یەک ژ سەرۆکێ دەستەیا بلندا بنگەهێ لالش (سعيد جردو) و نوێنەرێ لیژنا ناوچا باعەدرێ یا پارتی دیموکراتی کوردستان (میران سەباح) پەیڤ پێشکێشی ئامادەبوویان کرن و تەکەز ل سەر ڤێ تەخا گرنگا گەنجان کرن و دەست خۆشی ل بنگههێ لالش باعەدرێ کرن و چەند گۆتنێن بالکێش و گرنگ دناڤا پەیڤێن خۆدا ئاماژە پێکرن ل دۆر چالاکیێ.
ل دوماهیێ 9 پشکداریا شیان سەرکەفتنێ بدەستخۆڤە بینن و ب دیاریێن بنگەهێ لالش باعەدرێ هەموو هاتنە خەلاتکرن.
تُتاح هذه الصورة أيضا في: کوردی