تۆرا لالش
د 38ـهمین سالڤهگهڕا ئهنفالا دهڤهرا بههدینان دا (25ێ ئابا 1988ێ)، بنگههێ لالش پهیامهكێ بهلاڤ دكهت.
ب رێز ڤه یادا قوربانیێن ڤێ تاوانا مهزن و هۆڤانهیا رژێما بهعس یا ژناڤچۆیی ل عیراقێ دکهین، ئارمانجا وێ رژێمێ ب ههوێن ئهنفالێ قڕکرن و جینۆسایدکرنا گەلێ کوردستانێ بوو ب گشت پێکهاتان ڤە.
ل داویێن قوناغا پرۆسەیا ئەنفالێ دا دووباره خەلکێ بێتاوان و پێکهاتێن دەڤەرێ رووبەڕووی گرتن، بێ سهروشوونكرن و ڤهگوهاستنێ بوون، ل ڤێ تاوانا مەزنا جینۆسایدێ دا، پتر ژ 182,000 وەلاتیێن بێگونەهـ بوونە قوربانی و د گۆڕێن ب کۆم دا هاتنە ڤهشارتن، هەروەسا پتر ژ 4,500 گوندێن کوردستانێ و سەدان گوندێن دەڤەرا بههدینان ب تەمامی هاتنە وێرانکرن و جهێن دیرۆکی هاتنە ژناڤبرن، ب دەهان هەزار وەلاتی ژی ئاوارە و دەربەدەر بوون.
ئەم د ڤێ هەلکەفتا خەمگین دا دووپاتیێ دکەین کو تەڤایا تاوانێن رژێما بەعس ههر ژ کۆمکوژیا بارزانیان تا دگەهتە تاوانێن ئەنفالێ و کۆمکوژیا شنگالێ هەموو تاوانێن جینۆسایدێ نه و ل دژی مرۆڤایەتیێ نە و قەت ناهێنە ژبیرکرن.
پێتڤیە دەولەتا عیراقێ ب جینۆساید دانپێدانێ پێ بکت و کەسوکارێن شەهیدان و زیانپێكهفتیان قەرەبوو بکەت، داكو جارەکا دی تاوانێن وەسا بەرامبەر گەلێ مە دووبارە نابنەڤە.
سەری ڕێز و نهوازشێ بۆ گیانێ پاکێ شەهید و ئەنفالکریێن بههدینان و تەڤایا شەهیدێن کوردستانێ د چهمینین
بنگەهێ لالش یێ ڕەوشەنبیری و کۆمەڵایەتی
25ـی تهباخا 2026ـێ
تُتاح هذه الصورة أيضا في: کوردی