تۆرا لالش
کابینا نەهێ یا حکومەتا هەرێما کوردستانێ ، ب سەرۆکاتیا رێزدار “مەسرور بارزانی” هەر ژ دەستپێکا پێک ئینانا کابینا نەهێ خزمەتەکا بێ سنور دبیاڤێن جودا جودا یێن ژیانێ دە پێشکێشی جڤاکێ ئێزدی کریە.
سەرەرایی برینا بودچەیێ هەرێمێ ژئالیێ عیراقێ ڤە، وهەبوونا ئاستەنگێن ژبۆ موچەیێ فەرمانبەرێن هەرێما کوردستانێ هاتنیە دروستکرن. هەر وەها مل ملانەیا لایەنێن سیاسی یێن هەرێما کوردستانێ. لێ ئەڤان ئاستەنگان نکارین بنە رێگر هەمبەری کابینا نەهێ ژبۆ خزمەتا ئێزدیان.
سەردەمێ “مەسرور بارزانی” گرنگیەکا مەزن ب جهێن پیرۆز یێن ئێزدیان و دەڤەرێن ئەو لێ ئاکنجی هاتیە دان ژئالیێن جودا جوداڤە. بەردەوام ژنێزیک ڤە هایداری رەوشا وان دبە. چەندین پلە و پۆست ل سەر ئاستێن بلند دناڤ حکومەتێ دا ب ئێزدیان هاتنە دان.
ب بریارا جەنابێ سەرۆک وەزیران رێزدار “مەسرور بارزانی” مینحەیەکا تایبەت ژبۆ رزگاربوویێن دەستێ تیرۆرستێن داعش هاتە دان، ل بەرە سەنتەرێ دەروونی ژبۆ وان بهێتە ڤەکرن. هەر وەها پارچە زەڤی ژ بۆ وان بهێنە تەرخانکرن دیسان خوێندکارێن رزگاربووی دەلیڤێن خواندنێ ل کۆلیژ وپەیمانگەها ژبۆ وان هاتنە دەستەبەرکرن . بشتەڤانیا سەرۆکێ حکومەتێ ژبۆ بنگەهێ لالش یێ رەوشەنبیری و کۆمەلایەتی، ڤەکرنا کەنالێ “سەما تیڤی” ژبۆ ئێزدیان. جادە و رێک و بان ب شێوازێ ستاندەرێ جیهانی هاتنە دروست کرن.
ئاینێ ئێزدی ئێک ژ گەڤنترین ئاینێن رۆژهەلاتا ناڤین و هەرێما کوردستانێ یە. ب درێژاهیا دیرۆکێ راستی گەلەک فەرمان و کارەساتان هاتیە پێخەمەت پاراستنا ئاخ و ئۆلا خۆ یێن پیرۆز.
ب رێکا تێکستێن ئاینێ خۆ فەرهەنگ، وزمانێ کوردی پاراستیە.
کابینا نەهـ یا حکومەتا هەرێما کوردستانێ دماوەیێ کارکرنا خۆدا ب سەدان پرۆژەیێن ستراتیژی و خزمەتگوزاری یێن رێک و بان، ئاڤ، کارەب، ژینگەهـ ، وەبەرهێنان، پەروەردە ژبۆ هەموو پێکهاتان بێ فرق وجدایی جێبەجێ کرینە.