شبكة لالش الاعلامية

ل كه‌مپا خانكێ سمنیاره‌ك ل دۆر هشیارییا ده‌روونی هاته‌ سازكرن

تۆرا لالش
د چارچۆڤێ چالاکیێن خۆ یێن بەردەوام دا، ئیرۆ ڕۆژا سـێ شەمبوویێ، ڕێکەفتی 17ـێ چریا دوێ یا 2026ـێ، نڤیسینگەها لالش یا تل بەناتا کەڤن، ب هەماهەنگی دگەل تیما ساخلەمیێ ل کەمپا خانکێ، ڕابوون ب ئەنجامدانا چالاکیەکا هۆشیارییا ده‌روونی ل ژێر ناڤونیشانێ سمینارا (التنمر/ هشیارییا ده‌روونی) ب رێکا سنوردارکرن و کێمکرنا وێ دیاردێ د ناڤ قوتابخانان دا.
ئەڤ چالاکییە چەندین قوتابخانەیێن سەرەتایی، ناڤنجی و ئامادەیی ب خۆ ڤە گرت، د سمینارێ دا تیشک هاتە سەر وێ یه‌كێ كو ئه‌ڤ چه‌نده‌ هەر ڕەفتارەکا دووبارە و مەبەستدارە ل دژی کەسەکی/ا لاوازتر ب مەرەما شکاندن یان ترساندنا وی، چ ب شێوێ ئه‌شكه‌نجه‌دانا جەستەیی (لێدان)، یان زارەکی یان سڤکاتیکرن، ئه‌ڤجا راسته‌وخۆ بت یان ب رێكا بەلاڤکرنا دەنگۆیان یانژی ب شێوێ ئەلیکترۆنی ل سەر تۆرێن جڤاکی بت.
هەروەسا هاتە دیارکرن کو ئەگەرێن ڤێ دیاردێ گەلەک جاران بۆ لاوازییا کەسایەتییێ، ژینگەها خێزانی یا توندوتیژ، یان هەستکرن ب ستەمێ و تۆلڤه‌كرنێ د زڤڕن، ژ بەر کو کارتێکرنێن زۆر خراپ ل سەر دەروون و ئاستێ خواندنا قوتابیان دکەت، چارەسەریا وێ ب هۆشیارکرنا جڤاکی ل مال و قوتابخانان، دانانا سنور و ڕێکارێن یاسایی، پشتەڤانیا دەروونی بۆ قوربانییان و دابینکرنا ژینگەهەکا پەروەردەیی یا دروست و بێ جوداهی بۆ هەموو قوتابیان دبتە ئەرکەکێ گرنگ و مرۆڤایەتی.
ل داویێ، نڤیسینگەها ناڤبری سوپاسیا تیما ساخلەمیا ناڤبری کر و پشکداران ژی سوپاسییا ڕێکخەرێن ڤێ سمینارێ کرن.

تُتاح هذه الصورة أيضا في: کوردی

___

سفیان سلۆ: ٣٣ سالێن بنگەهێ لالش و چیرۆکا پێنوسەکی ١٧ سالی

karwanhaji

شانده‌كی بنگەهێ لالش پشكداری د ئاهەنگا رێزلێنانا هۆزانڤان محسن قۆچان دا دکەت

karwanhaji

باران بارین دێ به‌رده‌وام بت

karwanhaji