عێراقێ ڤیدیۆیا دو کچێن كوردێن ئێزدی یێن ل فەللوجە هاتین رزگارکرن، بەلاڤ کر
وار
وەزارەتا بەرەڤانییا عێراقێ ئەڤرۆ ڤیدیۆیا ھەر دو کچێن كوردێن ئێزدی یێن ل فەللوجە ھاتینە رزگارکرن ژ دەستێ داعشێ بەلاڤکر.
د بەیانامەیەکێ دا وەزارەتا بەرەڤانیێ دیارکریە، ھەوالگێرییا سەربازی ب ھەفکاری یا ھێزێن ئێمناھیێ و حەشدا شەعبی و ھۆزان، یێن پشکدار د ئازادکرنا باژارێ فەللوجە دا، شیان دو کچێن كوردێن ئێزدی ژ دەستێ تیرۆرستێن داعشێ کو ژ ئالیێ وانڤە ھاتبوونە رەڤاندن رزگار بکەن.
ھەروەسا دوپاتکریە کو ھێزێن ئێمناھیێ بەردەوامن بۆ دەرئێخستنا کەسێن سڤیل دناڤ باژارێ فللوجە دا، بۆ ھندێ وێ باژارێ ژ دەستێ تیرۆرستێن داعشێ رزگار بکەن.
دڤێ پارچه ڤیدیۆیێ دا پهڕلهمانتارا كورد ڤیان دهخیل داخواز كر ب ههمان شێوه كچێن دی ژی یێن د دهستێ داعشێ دا بهێنه رزگاركرن.
تُتاح هذه الصورة أيضا في: کوردی