Fuad Husên: Ebûbekir Bexdadî li bajarê Mûsilê ye
Çavkanî :Basnews
Serokê Dîwana Serokatiye Herêma Kûrdistanê Fuad Husên ragehand ku “xelîfeyê” DAIŞê Ebûbekir Bexdadî li Mûsilê ye.
Fuad Husên ji bo rojnameya “Independent” a Britanî ragehandiye ku DAIŞ ber bi tinebûnê ve diçe û hemû navçeyên dagirkirî yên Kurdistana Başûr û Iraqê jî dê rizgar bibin.
Serokê Dîwana Serokatiya Herêma Kurdistanê diyar kiriye ku helbet DAIŞ li Mûsilê tine dibe lêbelê diyar nîne operasiyona azadkirina Mûsilê heta kengê dê bikêşe.
Wî rayedarê Herêma Kurdistanê her wiha daye zanîn ku zêdetirî 8 mehan bû Ebûbekir Bexdadî xwe veşartibû lê bi destpêkirina şerê Mûsilê re, ji Reqayê derbasî Mûsilê bûye û fermandehiya şerê dike.
Derheqê kuştina Ebûbekir Bexdadî de jî Fuad Husên gotiye, nûçeya kuştina wî rast nîne çimkî eger hatibû kuştin wê çaxê DAIŞê xilas dibû.
تُتاح هذه الصورة أيضا في: Kurdî