Li Iraqê 52 kesên din bi Kolêrayê ketin
BasNews – Wezareta tenduristiya Iraqê ragehand, 52 kesên din bi Kolêrayê ketin û rêjeya pêketina bi Koronayê jî zêde bûye.
Berdevkê wezareta tenduristiya Iraqê, dr. Seyf Bedir ji ajansa fermî ya Iraqê (INA) re gotiye, ev demek e dîsa rêjeya pêketina bi Koronayê zêde bûye û rojane gelek kes pê dikevin.
Dr. Bedir her wiha gotiye, sebeba wê yekê jî xemsariya welatiyan di bicîhanîna şîretên tenduristiyê de ye.
Berdevkê wezareta tenduristiya Iraqê daye zanîn, 52 kesên din bi Kolêrayê ketine û hejmara pêketiyan gihîştiye 309 kesan. Kesek jî pê miriye û hejmara miriyên wê nexweşiyê jî gihîştiye 3 kesan. Ji wan sê kesan 2 li Kerkûkê û yek jî li Bexdayê ne.
Wî berpirsê Iraqî li ser nexweşiya taya xwînê jî gotiye, heta niha 246 kes pê ketine û 40 kes jî pê mirine
تُتاح هذه الصورة أيضا في: Kurdî