داخویانیا سهنتهر وبنگههێن لالش ل سهنتهرێ قهزا شیخان وناحیا ئهلقوش
پشتی ئهو لێدوانین صلاح دهمیرتاش و جمیل بایگ ژ بو جوداكرنا شنگالێ ژ كوردستانێ و بناڤێ كانتونهكا سهربخو داین .. بێی دیراسهت و زانین ل سهر شنگالێ وئێزدیخانێ كو دربهكا مهزن ب ڤێ چهندێ دێ ب ئیزدیاتیێ دكهڤت ژبهر كو سهنگا ئیزدیاتیێ شنگالا ههگهر ئهو ژی هاته ڤهقهتاندن دێ پهرستگهها لالش چارهنڤیسێ وێ بهرڤ كیڤه چت لهحفا قائیدیا و خانك وقهباغ گوندێن بهركهندی وخهتار كو مهزنترین گونده ل سهرئاستێ عیراقێ باشیك وبهحزان باسكێ شیخا وئێسفن بدیتنا مه دهمێ مرؤڤ ئاخا خو ل دهست بدهت هنگی فرمان ل سهر مرؤڤی دێته ئهنجامدان ژبهر كو ئهڤ جهێن مه دیار كرین گرنگیا خو وهكی شنگالێ نینه ژبهر كو سنورهكی مهزن و داب ونهریتن گرێدایی ئیزدیاتیێ بتر ههر جههكی ل شنگالێ ماینه وئهم ب كهلها ئیزدخانێ دناسین ئهڤ هیرشا دورندانه یا داعش گهلهكا مهترسیدار بو وزیانهكا مهزن ل مللهتێ مه كر بهلێ ب ڤهگهریانا ئاخا شنگالێ و رزگاركرنا شنگالێ وڤهگهریانا شنگالیا بو سهر مال وحالێ خو ب سهركهفتن دێ هێته قهلهم دان سهرهرایی ئهو برینا كؤرا ب چهرگێ ههر تاكه كوردهكی رهسهن كهتی ، ئهڤ سهركهفتن و ڤهگهراندنا شنگالێ تهنها كهسێ لێ بیه خودان بێ یی مزایداتین سیاسی پارتی و بارزانی بیه وههر ئهڤ كهس ژی دێ خودانین شنگالێ بن ورێكێ نادهین كهسهك ب زمانێ كوردی نهزانیت و چ قوربانی نهداین بو ئیزدیاتیێ و شنگالێ بته لێڤهگرێ ئێزدیاتیێ لهوا مهوهك سهنتهر و بنگههێن لالش بفهر زانی كومبونهكا بهرفراه ئهنجامبدهین و داخویانیهكێ دژی لیدواینت صلاح دهمیرتاش و جمیل بایگ دهرئیخین ل رؤژا (31/12/2014) ب ئامادهبونا ههمی ئهندام و بهرپرسێن سهنتهر و بنگههێن لالش ئهڤێن سنورێ قهزا شیخان و ناحیا ئهلقوش وههر وهسا ب حازریا قائیمقامێ قهزا شیخان بهرێز اسماعیل مستهفا و بهرپرسێ لق20 شیخان بهرێز علی عونی وچهندین كادر وبهرپرسین ئیداری و رهوشهنبیری ل قهزا شیخان هاته خاندن ژ لایێ بەریز مهدی حسن مراد فه بەربرسێ نفیسینگەها لالش مەهەتێ ل باخچێ پهروهردا شێخان :ئهڤهژی دهقێ داخویانێ
بناڤێ خودێ مهزن ودلؤڤان
داخویانی
ئهم بناڤێ تهڤایا ئهندام وههڤالێن سهنتهرێن رهوشهنبیری وبنگهه و نڤیسینگههین لالش لسنورێ لق20 شێخان ئهو گوتنێن (جمیل بایگ و صلاح دهمیرتاش )ریسوا و شهرمهزار دكهین كو شنگال پارچهكا ژ كوردستانێ یه وكهسهك نهشێت ڤێ پارچا پیرؤز ژ كوردستانێ دویر بكهت ،و ئهم وهك رێكخراوێن چڤاكێ سڤیل ب هیچ شێوهكی رێكێ نادهین كو كهسهك ما یا خو ل ڤان دهڤهرین كوردستانی ییضن ڤهقهتیایی ژ كوردستانێ بكهت ، بلی حكومهت وبهرلهمان وسهروكاتیا ههرێما كوردستانێ . وژلایهكی دیڤا دیار و خؤیایه رؤلێ پیشمهرگههێ كوردستانێ ئهڤین خؤ دكهنه قوربانی بؤ پاراستنا شنگالێ وههموو پارچین كوردستانێ وئهڤ كهسێن نه شارهزایی جوغرافیا كوردستانێ كو لالشا نورانی وشنگالێ وهكی جهستهكی نه نابیت ب هیچ رهنگهكی بهێته ژێك ڤهقهتاندن ،ولدوماهیكێ دبێژین وهكو بارزانیێ نهمر كهرم كری و گوتی كهركوك دلێ كوردستانێ یه بهلێ شنگال كهزب وشهرفا كوردستانێ یه …..
تُتاح هذه الصورة أيضا في: العربية