Serokê herêmê di salvegera enfalkirina Barzanîyan da peyamek belav kir
Serokê herêma Kurdistanê di yada enfalkirina Barzanîyan da peyamek belav kir û têda ragîhand; çi cara Barzan serê xwe bo dijminan ne çemandîye û çi carekê îradeya wan nehatîye şikandin û li ser rêbaza xwe berdewamin.
Mesûd Barzanî divê peyamê da spasîya xelkê Hewlêrê û Herîr û Soran kir ku di rojên nexweş û berteng da hevsozên Barzanîyan bûne û alîkarîya wan kirîye û berî sîh û sê salan rejîma Beesi bi şêweyekê hovana heşt hezar zilamên Barzanî bi pîr û genc, her ji jîyê neh salî heta pîremêrên 90 salî berbi bîyabanên başurê Îraqê birin û bi şêweyekê ne mirovane bi kom kuştin.
Serokê herêmê divê peyama xwe da amaje kirîye zincîre karesat û qurbanîdanên gelê Kurdistanê û dupat kirîye, her çende karesatên dil tezîn û mezin bûne, lê azadî û serxwebûn bi vê çendê bi destve tên, wek Barzanîyek jî xwe bi serbilind bînim ku ji pêxemet rizgarî û serxwebûna gelê Kurdistanê qurbanî dane û nehametîyeka zor dîtîye.
تُتاح هذه الصورة أيضا في: Kurdî
