تۆرا لالش
ل ڕێکەفتی ١٢ی تەممووزا ٢٠٢٦ێ، ل ژێر سهرپهرشتی و پشتهڤانییا نڤیسینگهها لالش ل مهههتێ ل باغچێ نڤیسینگهها ناڤبری، روونشتنهكا ڤهكری یا رەوشەنبیری ل دۆر گەنگەشەکرنا پەرتووکا بەرێزان مامۆستا سیروان سلیم و جاسم قاسم بوزانی یا ب ناڤێ (چل ئەولیایێن لالش) هاتە سازكرن.
ل دەستپێکێ ب خێرهاتنا مێهڤانان هاتە کرن ژ لایێ بەرێز مەهدی حەسەن برپرسێ نڤیسینگهها ناڤبری ڤە، پاشان کورتیەک ل سەر ناڤەرۆکا پەرتووکێ و گرنگیا وێ د پاراستنا کەلتوور و دیرۆکا ئێزدیاتیێ دا هاتە پێشکێشکرن.
پشتی هنگێ دەلیڤە هاتە دانە بەرێز پیر خەلات ئەلیاس کو ب دریژاهی باس ل ناڤەرۆکا پەرتووکێ بكهت و ب شێوەیەکێ زانستی و ئاینی بەحسێ هەر چل ئەولیاتان کر و رۆل و جهێ وان ل لالشا پیرۆز شرۆڤهكر.
ئەڤ روونشتنە جهێ دلخۆشی و خوشحالیا هەموو ئامادەبوویان بوو، و هەموو پێکڤە ب رێز و پێزانین ڤە بەحسێ رۆلێ مامۆستا سیروان سلیم کرن و ماندیبوون و خزمەت و زانینا وی یا بەردەوام د بوارێ نڤیسین و پاراستنا ئێزدیاتیێ دا بلند نرخاندن.
ل دوماهیکێ پەرتووک ل سەر مێهڤانێن بەرێز هاتنە دابەشکرن.
تُتاح هذه الصورة أيضا في: کوردی