Endamekî encumena Şingalê: Li devera Şingalê çete derketine!
BasNews
Endamekî encumena bajarê Şingalê dibêje, li devera Şingalê komên çete derketine û bûne metirsî li ser jiyana welatiyan.
Endamê encumena Şingalê Mehfûz Mecîd ji BasNewsê re got, li Şingalê ji bilî çekdarên PKK û Heşda Şeibî, komên çete jî derketine û çi dilê wan dixwaze, dikin!
Mehfûz Mecîd her wiha got, eger kesek nebe peyayê Heşda Şeibî nikare li Şingalê bijî û heta Heşda Şeibî razî nebe ti koçberek jî nikare vegere Şingalê!
Wî endamê encumena Şingalê bang li hikûmeta Iraqê wan çekdar û çeteyan ji Şingalê derxîne û got, welatî dixwazin di aramiyê de bijîn lê ji ber wan çekdar û çeteyan nikarin. Bila hikûmeta Iraqê wan ji Şingalê derxîne.
Mehfûz Mecîd anî ziman ku beriya DAIŞ û Heşda Şeibî, Şingalî hemî mîna malbatekê bûn û got, lê niha êdî ew tişt nemaye.
تُتاح هذه الصورة أيضا في: Kurdî