Rojnameyeka erebî: PKKê bi rêya Şingalê re xwe xistiye nav hilbijatinên Iraqê

BasNews – Rojnameyeka erebî dibêje, PKK bi rêya Şingalê re xwe xistiye nav hilbijartinên Iraqê û çend kandîdên wê jî li parêzgeha Mûsilê hene.

Rojnameya erebî ya El Erebî Cedîd ji zarê berpirsên hikûmeta Iraqê ragihandiye, çend kandîdên hilbijartinên Iraqê li parêzgeha Mûsilê, alîgirên PKKê ne.

Li gorî raporta wê rojnamê, li bazina sêyem ya parêzgeha Mûsilê, ku devera Şingalê ye, komek kandîdên êzîdî hene ku girêdayî PKKê ne. PKK dixwaze bi rêya wan kandîdan rûçikekî siyasî peyda bike û hevrikiya hêzên kurdî û erebên sunnî li wê deverê bike.

Berpirsekî Iraqî ji rojnameyê re gotiye, komîsyona hilbijartinan ya Iraqê li hember wê rewşê berpirs e çimkî PKK ji aliyê çend dewletên deverê û mezin ve wek rêxistineka terorîstî tê nasîn.

Li gorî agahiyên wî berpirsî, 7 kandîdên devera Şingalê girêdayî PKKê ne û bi rêya rêxistin û dezgehên êzîdiyan xwe xistine nav hilbijartinên Iraqê.