تهڤگهرا ئیسلامی ژ بارزانی خواست سهرهدانا سلێمانیێ بكهت
وار
بهرپرسێ پهیوهندیێن نشتیمانی یێن تهڤگهرا ئیسلامی، داخواز ژ سهرۆكێ ههرێما كوردستانێ كر، سهرهدانا پارێزگهها سلێمانیێ بكهت و ههموو ئالیین سیاسی گازیكهته فتارهكێ.
ئیحسان شێخ عهلی عهبدولعهزیز، ئهندامێ سهركردایهتی و بهرپرسێ پهیوهندیێن نشتیمانی یێن تهڤگهرا ئیسلامی، د پۆستهكی دا ل تۆرا جڤاكیا فهیسبووكێ، داخواز ژ مهسعوود بارزانی سهرۆكێ ههرێما كوردستانێ كر، بۆ ئاسایكرنا پهیوهندییان و چارهكرنا رهوشا سیاسی یا ههرێمێ، سهرهدانا باژارێ سلێمانیێ بكهت و پشتی سهرهدانا مام جهلال و نهوشێروان موستهفایی، ههموو ئالیێن سیاسی داخواز كهته فتارهكێ و داویێ ب ڤێ رهوشا نه ئاسایی بینیت.
وی سهركردێ تهڤگهرا ئیسلامی دایه زانین، كو بارزانی وهكو سهرۆكێ ههرێمێ، دشێت رۆلێ باب و برایێ مهزنێ ههر تاكهكێ كوردان بگێریت و هیڤی ژی خواستییه، كو بارزانی وێ سهرهدانێ بكهت و گوهدارییا دهنگێن نه رازی نهكهت، ژبهركو ئهنجامدانا وی كاری، دێ د دیرۆكێ دا هێته نڤیسین.
ئهڤه د دهمهكی دایه،کو دوهی مهسعوود بارزانی سهرۆكێ ههرێما كوردستانێ، د پهیامهكێ دا، ههموو هێز و ئالیێن سیاسی یێن ههرێما كوردستانێ، ل دۆر پرسا ریفراندۆم و سهرخوهبوونێ، گازیكرینه كۆمبوونهكێ.
تُتاح هذه الصورة أيضا في: کوردی