شەڤا هیجران ئوو تەراژیدیایێ
سەكار كامل
1- ل خاكا تە
گولیێن گەنمی مانە مەست
ئوو كەڤرێن چیایی ،
ب پێكێن شەرابێ ، نەرم بوون
2- ل خاكا تە ، دۆژەهـ شاریا
گۆپالێ شێخی بوو 74 پرت
ئوو 74 جاران قیژیێن دایكان
د بەندەمانێ چك مان
3- ل خاكا تە ،
تەراژیدیا بوو سروودا زارۆكان
ئوو گریا ئختیاران ،
میهرجانەكا سەرمەدی
4- ل خاكا تە ، خوون ژ هەركینێ
بوو زەریایەك ژ قەشایێ ،
ئوو كەڤرێن تە كەتنە سەمایەكا رووس
ئوو هەلسین ( هەلس- سین )
5- شنگالێ ، بادا نەكە نۆش
ئەو ژ نفشێ بیابانێ نە
ئەو تاعوونا زەمینی نە
نەكەی پێكێ بكەی نۆش !
6- شنگالێ ، تاریكپەرستان توو كریە چۆل
بەژنا تە یا پادشاهی
وجوودا تە یا تاووسی
ژ یەزدانی برن ، ژ دێوان رە، ما چۆل
7- شنگالێ ، كێ دیتیە
كانی ل سەر جۆكان گریایی
باران ب پێكێ شەرابێ مەست بووی
قەسپ ل تووتنا ( كەرسێ ) چەرین
كێ دیتیە ؟ خودێ د خەو چۆیی !
نە دەنگ ئوو نە قێرین
8- شنگال ، چەند بێهنا كەلەخان ژ ڤێ هەسارێ دئێت ؟
ئەڤ رۆبارێن خوونێ
ژ كوڤە د هەركن ؟
تُتاح هذه الصورة أيضا في: کوردی