ههرێما كوردستانێ بۆ ئهنداما ئینستیتۆیا جیهانی یا شانۆیێ
ئهڤرۆ نیۆز،زنار تۆڤی:
ئهڤ ساله ههرێما كوردستانێ ژی بۆ ئهنداما ئینستیتۆیا جیهانی یا شانۆیێ دا و دڤی واری دا شانۆكار ئیحسان ئۆسمان بۆ ئهڤرۆ نیۆز دیاركر:بهری چهندین سالان ئهز ب بوومه ئهندامێ فهخری یێ ئینستیتۆیا جیهانی یا شانۆیێ،كو ئهڤ ئینستیتۆیه سهر ب یۆنسكۆ ڤهیه و سهنتهرێ وێ ل پاریسه ل فرنسا،ههروهسا بتنێ دهولهتێن سهربهخۆ ل جیهانێ ئهندامن دڤێ ئینستیتۆیێ دا،لێ پشتی من داخواز پێشكێشی وهلاتێن ئهندام یێن وهكو ئهلمانیا و ئیتالیا و نهمسا و چهندین وهلاتێن دی یێن جیهانێ كری،كو كوردستان ژی ببیته ئهندام تێدا،وان وهلاتان ژی داخوازا من وهرگرتن و نوكه ههرێما كوردستانێ ژی بوویه ئهندامهكا كارا د ئینستیتۆیا جیهانی یا شانۆیێ دا،ههر چهنده وهلاتێن وهكو عێراق و سوریا و توركیا دژایهتیا مه دكهن كو ئهم ببینه ئهندامێن ڤێ رێكخراوێ و دیاركر ژی:ژ ئهڤرۆ پێڤه ئالایێ كوردستانێ ژی دێ وهكو ئالایێن ههموو وهلاتێن كو ئهندام دڤێ ئینستیتۆیێ دا دێ هێته بلندكرن و ههروهسا ئهڤ ساله كونفرانسێ ڤێ ئینستیتۆیێ دێ ل وهلاتێ ئیسپانیا ل 12_17/7/2017 ل باژێرهكێ نێزیك مهدرید هێته گێران.
شانۆكارێ كورد ئیحسان ئۆسمان زێدهتر دبێژیت:ئهڤ ساله لیژنهیهكا شانۆیێ ژ ههرێما كوردستانێ ژی دێ پشكداریێ د ڤی كونفرانسی دا كهت و دیسان پشتی ههرێما كوردستانێ بوویه ئهندامهكا كارا،نوكه كوردهك دشێت ببیته سهرۆكێ ڤێ ئینستیتۆیێ،ههروهسا سالانه ئهڤ ئینستیتۆیه 100 فیستهڤالێن شانۆیێ ل جیهانێ رێك دئێخیت و دیسا ههر كهسهكێ ئهندام بیت دڤێ رێكخراوێ دا ئهڤ رێكخراوه دێ بهرهڤانیێ ژ مافێن وی كهت،ههروهسا ههر وهلاتهكێ ئهندام بیت دڤێ ئینستیتۆیێ دا ئهڤ رێكخراوه دێ هاریكاریان د وارێ شانۆیێ دا بۆ پێشكیش كهت.
تُتاح هذه الصورة أيضا في: کوردی