شانۆڤانەكێ عێراقی:شانۆ ل كوردستانێ پێشكەفتی یە
سالار فائز
دەرهێنەر و نڤیسەرێ شانۆیێ”رەشیدی سالح فتلاوی” دەرچوویێ پەیمانگەها هۆنەرێن جوانە ل بەغدایێ،د كورتە دیدارەكێ دا بۆ بەرپەرێ هۆنەری یێ رۆژناما ئەڤرۆ گۆت:شانۆ جیهانەكا هۆنەریە و مرۆڤ برێكا ڤێ جیهانێ دكارت هەموو ڕەنگێن هۆنەری هەست پێبكەت ئانكو شانۆێ نە لەیزكەكە،بەلێ هندەك هزرن و دەربرینە ژ تشتەكی.
زێدەتر گۆت: ژبەر رەوشا خرابا عێراقێ گەلەك هۆنەرمەندا ل هەموو بیاڤادا قەستا ژ دەرڤەی وەلاتی كر و ئەز ئێكم ژ وان بووم،بەلێ گرنگیدانا من و ڤیانا من بۆ كارێ من ئەز دور نە ئێخستم ژ هۆنەرێ من ،پشتی ئەز ل ئەلمانیا ژیایم و من كار گەل وان كری جێوازیا شانۆگەریا ئەوروپی ب گشتی ژ یا عەرەبی ئەوە ترس و شەرما وان نە وەكی یا مەیە و ئازادیا دەربرینێ بتر هەیە،تایبەت پشتی شۆرەشا قوتابیا ل فەرەنسا 1968 و شۆرەشا فەرەنسی 1789 و شەرێ جیهانیێ دووێ و تاوانێن هەتلری ڤان هەموو روودانا هێلا خەلك رەخنا ل شەری و دەستهەلاتێن دیكتاتۆربكەن و داخوازا ماف و ئازادیا بكەن،لەورا زوو شانۆ پێشكەفت و هەتا نها ژی بتر ئازاد بوویە،لێ ل عێراقێ ل سالا 1958 و ل مسرێ سالا 1952 رەنگەكی ئازادی بخوە ڤە دیت و گەلەك نموونە یێن شانۆگەریا هەڤجەرخ پەیدابوون ،بەلێ نە ل ئاستێ ئەوروپا.
سەبارەت كارێن خۆ ژی دبێژت:ل سالا2006 من كاركریە ل كەنالێ عێراقی یێ دەنگ و باسا وەك دەرهێنەر وسالا 2013 من دو دیاری وەرگرتن وەك باشترین دەرهێنەر و باوەرنامەك و چەند باوەرنامێن رێزلێنانێ،هەروەسا من چەند فلمێن دكیۆمێنتەری چێكرن بۆ تلفزیونێ ژ وانا (لەشكەرێ زارۆكا) كو چاوا زارۆك چەكێن پلاستیكی دكرن و شەری پێدكەن و چی كارتێكرن ل پاشەرۆژا وان دكەت.
دەربارەی شانۆگەریێ ل عێراقێ گۆت:گرنگیپێدان نینە و نابتە ژێدەرێ ژیانا مرۆڤی نەوەكی ئەلمانیایە،ئەگەر ئەم سەر شانۆگەریا كوردی ب تایبەت باخڤین شانۆگەری ل كوردستانێ پێشكەفت تایبەت پشتی ئازاد بوونا كوردستانێ ل راپەرینا ئادارێ سالا 1991 و وەرگرتنا ماف و ئازادێن خوە،شانۆگەریا ب ئازادی بتر هاتە نڤیسین و گرنگیپێدان زۆر تر بوو و هاتە خووندن وەك مادە ل كولیژ و پەیمانگەها و ئەو زۆرداریا ب سەرێ كوردا هاتی هەموو كرن شانۆ ،نها ژی بتر ئازادی و تێكەلی هەیە گەل ئەوروپا،لەورا رۆژ بۆ رۆژێ باشترە.
ل داویێ سوپاسیا بەرێز “هانز” هاریكاریا وی و خەلكێ ئەلمان گەل مە و كارێن شانۆیێ وپێشەوازیا وان بۆمە ل وەلاتێ وان.
تُتاح هذه الصورة أيضا في: کوردی