نوجێفی بۆ ئێكهتی و گۆران:ل گهل پارتی بن و دوبهرهكیێ دروست نهكهن
ئهڤرۆ نیوز:
سهرۆكێ ههڤپهیمانیا موتهحیدون داخوازێ ژ ئێكهتی و گۆڕان دكهت كو دوبهرهكیێ دروست نهكهن و ل گهل پارتی د ئێكگرتی بن و ل بهغدا خودان ئێك ههلویست بن.
دوهی ئێڤاری شاندێ ههڤپشكێ ئێكهتی نشتیمانی كوردستان و بزاڤا گۆڕان د سهرهدانا خوه دا بۆ بهغدا سهرهدانا ئۆسامه نوجێفی سهرۆكێ بهرێ یێ جڤاتا نوونهرێن عیراقێ و سهرۆكێ ههڤپهیمانیا موتهحیدون كر.
نڤیسینگهها نوجێفی د راگههاندنهكێ دا كو دانهك ب دهست ئهڤرۆ نیوز كهفتیه راگههاند: شاندێ ههڤپشكێ ئێكهتی و گۆڕان داخواز ژ نوجێفی كر ژ بهر كو رۆلهكێ كاریگهر د گۆرهپانا سیاسی یا عیراقێ دا ههیه وهكو شیرهتكار هاریكاریا وان بكهت بۆ چارهكرنا كێشان.
ژ لایێ خوه ڤه ئۆسامه نوجێفی سهرۆكێ ههڤپهیمانیا موتهحیدون هیڤی خواست كو دوبهرهكی نهكهڤیته ناڤبهرا فراكسیۆنێن كوردستانی و پێدڤی زانی ل گهل برایێن خوه ژ پارتی ئێك بن و ههر دیسا ب پێدڤی ژی زانی كو ل دیاركرنا پهیوهندیێن خوه ل گهل بهغدا خودان ئێك ههلویست بن.
تهكست ل سهر وێ چهندێ ژی كر كو پشتهڤانیا داخوازیێن رهوا یێن كوردان دكهین ب رێیا دستوور و قانوونێ ل گهل چو رێكاران ژی دا نینین كو زیانێ بگههیننه وهلاتیێن ههرێما كوردستانێ ب تایبهت بڕینا مووچهی و مافێن وان یێن دی.
تُتاح هذه الصورة أيضا في: کوردی