شه‌مال خدر:که‌مپا باجدکەندال

که‌مپا باجدکەندال

شه‌مال خدر
ئەڤ که‌مپە ژ دوو که‌مپا پێک دئێت دبێژنێ کامپا “باجدکەندال 1 و باجدکەندال 2” هەر دوو ژی دکەڤنە ل سەر رێيا سەرەکیا دناڤبەرا گرشین و دێرەبوونێ دا ، هەر دوو که‌مپه‌ دکەڤنە بەرامبەری هەڤ ل هەر دوو ئالیێن رێيا سەرەکیا ناڤبری،ئانکو هەردوو که‌مپە پێنج مەترا دووری رێ نە ،هژمارەکا زۆرا خێزانێن ئاوارەیێن شنگالێ دناڤ ڤان هەردوو که‌مپا دا دژین و رۆژانە خەلکێ وان  ب مەرەما ئەنجامدانا کارێن خوە دچن و دهێن و سەرەدانا هەڤ و دن دکەن و دچنە ناڤ بازارێ که‌مپێ ژبۆ کرینا کەل و پەل و پێدڤیاتیێن خۆ يێن رۆژانە سەرەدانا بازارى دکەن.

ئەڤجا ژبەرێ ڤێ چەندێ قەلەبالغەکا زۆرا هاتن و چوونا خەلکی و ترومبێلێن بچووک و بارهلگر پەیدادبیت،چنکو رێ ژی رێيه‌کا سەرەکی و دوەلی یە ئەو هەمی ترومبێلێن بارهلگرێن ژ گومرکا ئبراهیم خەلیل و دەرگەهێ سنووریێ سێمالکا (پێشخابوورێ) دەردکەڤن ل سەر ڤێ رێ هاتن وچوونێ دکەن، لەوا گەلەک روودان ژی پەیدادبن ل سەر ڤێ ريێا دناڤبەرا هەردوو که‌مپا دا.

ب دیتنا من جهێ ڤان هەردوو که‌مپا ل نێزیکی رێکي سەرەکی ل هەردوو ئالیێن رێ گەلەکا خەلەتە ، ئەڤجا دڤیا ئەڤ که‌مپە ل ئالیەکی رێ با  نە ل هەردوو ئالیا با و ب کێماتی دوو سەد مەترا دووری رێيا سەرەکی با،داکو نەبووبا ئەگەرێ پەیدابوونا قەلەبالغەکا زۆر یا هاتن و چوونا خەلکێ که‌مپێ و ترومبێلان چ روودان ژی پەیدانەدبوون.

تُتاح هذه الصورة أيضا في: کوردی