چار قوتابخانێن نوو ل دهۆكێ دێ ئێنە ئاڤاكرن
تۆرا لالش يا راگههاندنێ
ژ ئەگەرێ قەیرانا دارایی هژمارەكا مەزن یا قوتابخانان ل هەرێما كوردستانێ هاتینە راگرتن و كار تێدا ناهێتە كرن، بەلێ رێكخراوا یونیسێف نها دێ چار قوتابخانێن دهۆكێ تمام كەت و كاری تێدا كەت.
عەبدوللا كاكەسۆر، نوینەرێ رێكخراوا یونیسێف بۆ (باسنیۆز) دیاركر، سالانە ل گۆرەی پلانا رێكخراوا یونیسێف، هندەك قوتابخانێن نوی بۆ ئاوارە و پەنابەران دهێنە دروستكرن، ئەڤ سالە ل شوونا ئاڤاكرنا قوتابخانان، ئەو كار دكەن بۆ نووژەنكرنا وان قوتابخانێن كار تێدا هاتیە راگرتن ژ بەر قەیرانا دارایی و دێ چار قوتابخانێن ب ڤی رەنگی ل دهۆكێ تمام كەن.
ئاماژە دا وێ چەندێ، وان دو مەرج بۆ چێكرنا وان قوتابخانان هەنە، مەرجێ سەرەكی ئەوە ئاوارە تێدا دەوامێ بكەن، یان ژی هەر چ نەبیت دەوامەكا قوتابیێن ئاوارە د وی ئاڤاهی دا هەبیت و گۆتیشی: مەرجێ دویێ ئەوە دەمێ دەست ب نووژەنكرنا قوتابخانێ دهێتە كرن، د ماوێ سێ هەیڤان دا ئەو پرۆژە ب دووماهی بهێت.
تُتاح هذه الصورة أيضا في: کوردی