تورکیا…دادگەهیکرنا وان سەربازان دەسپێکر کو بەشداریا کودەتا بوون
ئێن ئارتى
دبن چاڤدێریەکا دژواردا هژمارەکا وان سەربازێن کو دکودەتا شەڤا ئینی یا بوری دا بەشداربوون کو راستی شکستێ بوو ، ئەڤرۆ ١٨ێ تەموزێ دادگەهی کرنا وان ل دادگەها ئەنقەرە دەست پێکر.
دئێکەم شەڤا وێ کودەتایێ دا هژمارەکا زۆرا ژنەراڵ و سەربازێن سوپایێ تورکیا هاتنە دەستەسەرکرن و هژمارەکا زۆرا وانا راستی لێدانێ بوون .
ڤەگوهاستنا ڤان سەربازان بۆ دادگەهێ ددەمەکیدایە رۆژ ب رۆژ رەجەب تەیب ئەردوغان سەرۆک کۆمارێ تورکیا ئۆپراسیۆنێن خۆ ژبۆ دەستەسەرکرنا وان کەسێن کو گومان دهێتە کرن دەست د وێ کودەتایێ هەبیت بەرفرهـ تر دبیت ب تایبەتی دناڤا رێزێن سوپا و سازیێن دادوەری دا ب هزاران کەس هاتنە دەستەسەرکرن و ژپوستێن وان هاتینە دویرخستن.
دڤی چارچۆڤیدا ژێدەرەکێ ئەمنی ل حکومەتا تورکیا راگەهاندیە کو شەش هزار ئەفسەر ژ هێزێن ئەمنی ل سەرانسەرێ تورکیا ژپوستێن وان هاتنە دویرخستن ب تومەتا وێ ئێکێ کو پەیوەندی ب کودەتایێ هەبوون.
تُتاح هذه الصورة أيضا في: کوردی