پێتڤیه بهری ئازادكرنا مووسل رێككهفتنهكا سیاسی بێته كرن
ئهڤرۆ نیوز:
مهسعود بارزانی سهرۆكێ ههرێما كوردستانێ پێشوازیا فرانك بهیكهر بالیوزێ بریتانیا ل عیراقێ كر و ههردوئالیان راگههاند ژ پێخهمهت رێگرتن ژ دروستبوونا كێشێن كوورتر و پاراستنا پێكهاتێن ئایینی و نهتهوهیی و پشت راستبوون و دووبارهنهبوونا كارهساتان، پێدڤیه بهری ئازادكرنا مووسل رێككهفتنهكا سیاسی د ناڤبهرا لایهنان دا بهێته سازكرن.
ژ ئالیهكێ دی ڤه سهرۆك بارزانی پێشوازیا شاندهكێ ههڤپشكێ كونسول و نوونهرێن وهلاتێن عهرهبی ل ههولێرێ كر، د دیدارهكێ دا، شاندێ ههڤپشك پشتهڤانیا خوه بۆ گهلێ كوردستانێ دووپات كر و بهحسێ قارهمانیا هێزا پێشمهرگێ كوردستانێ كرن، ههروهسا پهسنا دلفرههی و مێهڤانداریا گهلێ كوردستانێ كر كو بوویه پهناگهههك بۆ پێكهاتێن نهتهوهیی و ئاینی و بیروبوچوونێن جودا، د ههمبهر دا سهرۆك بارزانی ههبوونا نوونهراتیێن وهلاتێن عهرهبی ل باژێرێ ههولێرێ ب رامانا پهیاما دوستایهتی و ههڤسوزیا ناڤبهرا گهلێ كوردستانێ و وهلاتێن عهرهبی ل قهلهم دا.
تُتاح هذه الصورة أيضا في: کوردی