“شەبەک پشتهڤانيێ ل داخوازا سەرۆک بارزانی دکن”
تۆرا لالش
يا راگههاندنێ
دوای ئەوەی سەرۆک بارزانی باسی لەوە کرد پێویستە ڕێککەوتنێک سیاسی بە بەشداری ھەموو پێکھاتە بکرێت بۆ دەربارەی پاشەڕۆژی مووسڵ و قۆناغی دوای ڕزگارکردنی مووسڵ، نوێنەری پێکھاتەی شەبەک دەڵێت، ئێمە پێشوازی لەو داوایە دەکەین و، هەر دەگەڕێینەوە سەر ھەرێمی کوردستان.
(مەلا سالم شەبەک) نوێنەری شەبەکەکان لە ئەنجومەنی نوێنەرانی عێراق بە ماڵپەڕی فەرمیی پارتیی دیموکراتی کوردستانی ڕاگەیاند: “ئێمە پێشوازی لە داواکارییەکەی سەرۆک دەکەین و، سەرۆک بارزانی و سەرۆکی حکوومەت ھەر بڕیارێک بدەن ئێمە پشتیان دەگرین؛ چونکە پێویستە ڕێککەوتنێک ھەبێت و ناکرێت مووسڵ وەکو پێش کەوتنە دەست داعش بێت.”
گوتیشی ناکرێت ھەروا بەبێ ھیچ ڕێککەوتنێک مووسڵ ڕزگار بکرێت؛ ئێمە تازە حازر نین بخرێینەوە سەر عێراق و، لەمەودوا سەر بە ھەرێمی کوردستان دەبین.
نوێنەری کوردانی شەبەک گوتیشی، تا ئێستا زیاتر لە ١٣٠٠ قوربانیمان داوە و، نزیکەی ٣٠٠ کەسیشمان دیلی دەستی داعشن.
(مەلا سالم شەبەک) ڕوونیشی کردەوە، داوا لە سەرۆکی ھەرێمی کوردستان دەکەین ئەوەی دەستی لەگەڵ داعشدا تێکەڵ کردبێ بیدەنە دادگای نێودەوڵەتی.
تُتاح هذه الصورة أيضا في: کوردی