وەزیرێ گەشەپێدانا فەرەنسا:كۆچۆ گوندێ جانگۆریایە
تۆرا لالش يا راگههاندنێ/هۆگر نەجیب
فەرماندەیەكێ پێشمەرگەیی ل شنگالێ داخواز ژ وەزیرێ گەشەپێدانا فەرەنسایێ كر،دەمێ هاریكاریێن سەربازی بۆ پێشمەرگەی دهنێرن ب رێیا هەولێرێ بن نەك بەغدایێ.
ل رۆژا 20تەموزا 2016،دەمێ “ئەندرێ فالینی” وەزیرێ گەشەپێدانا فەرەنسایێ سەرەدانا پەرستگەها لالش كرى بۆ رۆژنامەڤانان دا دیاركرن كو فەرەنسا رێزەكا تایبەت بۆ پێشمەرگەیی هەیە و (دانیال میترال) هاتیە كوردستانێ ل وی دەمی فەرەنسا و كوردستان بوونە هەڤال،دێ دبەردەوامبین د هاریكاركرنا پێشمەرگەی و كوردستانێ و ئێزدیان دا،تەكەز ژی كر كو گوندێ كۆچۆ ل شنگالێ گوندێ جانگۆریایە.
فەرماندەیێ پێشمەرگەی ل شنگالێ”قاسم سمێر” داخواز ژ فالینی كر دەمێ هاریكاریێن سەربازی بۆ پێشمەرگەی دهنێرن ب رێیا هەولێرێ بن نەك بەغدایێ.
سمێر زێدەتر گۆت:”حكوومەتا عێراقێ هاریكاریا ئێزدیان نەكریە،بتنێ حكوومەتا هەرێمێ هاریكاریا مەكریە”.
فەرماندەیی هەروەسا داخواز ژ وەزیرێ گەشەپێدانا فەرەنسایێ كر كچ و ژنێن ئێزدیان بێنە رزگاركرن.
تُتاح هذه الصورة أيضا في: کوردی